港姐冠軍施髮術｜謝嘉怡為爸爸變髮型似十兄弟張嘉兒剃老公頭搞到「一忽忽」出晒事

發佈時間: 2022/03/10

政府前日宣布容許髮型屋及理髮店今起（10日）復業，其實有些男士早在家中剪妥頭髮，幕後功臣當然是他們的老婆或女兒。2020年港姐冠軍謝嘉怡（Lisa）笑言因為「頂唔順」爸爸頭髮太長，於是便主動幫對方剪頭髮。Lisa為爸爸剪髮，過程似模似樣，為他設計了2022的最新流行的髮型。

同場加映：《Mr. Stranger》｜Anson Lo曾壓力爆煲憂達不到外界期望喜見MIRROR 12子各有發展路向

Lisa在YouTube上載新片，她指當時未能外出剪髮，由於父母將要飛往英國，所以便替他剪頭髮。謝爸爸亦表示自新年後都未有剪髮，Lisa笑稱指「把頭髮、鬚令佢外表好似老咗10幾年」。

雖然Lisa係第一次幫爸爸剪頭髮，原來亦相當熟手，由洗頭、剷頭髮到剪髮，手勢似模似樣。她透露在自己13、14歲時跟Auntie學剪髮，「放學後會到Auntie髮型屋，佢有教我點剪髮。」又指︰「如果之後我喺TVB冇嘢拍，我咪剪頭髮！Auntie同我講過，我長大後同佢一齊開間髮型屋！」

原來，謝爸爸10幾年無轉過髮型，「好放心！囡囡幫我設計髮型！」Lisa為爸爸設計了一個2022年最新髮型，髮型仲有啲似《十兄弟》入面嘅「飛天五」添！

至於另一位港姐冠軍張嘉兒，亦在Facebook上載出第一次幫老公Nathan剪頭髮的片段，身為剪髮新手的她，剃到老公的頭髮「一忽忽」；Nathan不虞有詐，一直在鼓勵太太，畫面好有愛呀！

「7年前，我將我個心交畀佢，結果……佢係一個好老公、好爸爸。7年後，佢將個頭交畀我。結果？ #nocomment」，張嘉兒續說：「咁啱剪完頭髮，政府話髮型屋提早可以開，唔知我老公有冇後悔呢？」

在影片一開頭，張嘉兒就指住老公的頭髮，十分懊惱表示：「點算呀？又搞錯咗！」見她剃到老公的頭髮「一忽忽」，Nathan沒有生氣，反而安慰好緊張的老婆，「你再試啦……老婆剃得好仔細……」最後張嘉兒笑稱︰「我有補救……老公有咩comment？」Nathan大聲回應：「No comment！」

髮型屋關閉︳馬德鐘搵老婆剪髮冧唱《勇氣》馬太好淡定網友：點忍笑？【下一頁】

撰文︰林惠珊

最新文章