莊鍶敏（前名莊思敏，Jacquelin）在個人YouTube頻道上載一條名為「騙徒手法層出不窮」的片段，分享懷疑遇到騙徒的經驗，她說：「最後佢係咪一個騙子？我唔能夠確定，因為佢呃唔到我錢，調番轉，我喺佢身上攞咗少少益處。」在1月時，《東張西望》亦曾報道相關個案，受訪者透露被騙去28萬元。
同場加映：家族榮耀丨梁靖琪為囝囝再懷孕不刻意追女 明知香港成長較辛苦但不考慮移民
大家經常都會收到招聘「在家兼職」的短訊，Jacquelin因為疫情關係，最近多數留在家中，無聊之際，精明的她決定以身試法，找一個疑似騙徒出來測試。Jacquelin表示這份兼職有兩種工作性質，一種是替5個YouTube Channel讚好或留言，完成任務後，就可賺取100元，另一種是替商家搶單。
《姊妹淘》假包包小心中伏︳莊思敏教你點分真假名牌手袋 張寶兒心聲：畀人知拎假貨好瘀【下一頁】
Jacquelin在片中指對方send了分別5個YouTube Channel，要她留言和讚好，完成後可獲得100元。對方再問Jacquelin有沒有興趣做搶單員，只要搶到60張單，就可從中獲取佣金，她說：「當我搶到50幾張單嘅時候，就kick住咗，佢話我好好彩，搶到一張雙倍佣金嘅單，由於戶口唔夠錢，佢要top up（增值）咗個戶口先。隔咗幾分鐘，我見戶口有1萬蚊，我就繼續搶單，完成咗60張單之後，佢個戶口有12000幾蚊，即係佢有2000幾蚊佣，好吸引啦，而我個戶口就有300幾蚊（佣金），我問佢點樣兌現番（300多元）出嚟，佢話我要完成埋自己啲單先可以兌現，我好順利提交咗60張單，當時我有800幾蚊佣金，我諗住提錢，佢又問我有冇興趣做張新單，咁梗係做埋先啦，於是我去佢個戶口，搶咗60張單之後，我睇番我個戶口有千幾蚊，再幫自己搶60張單，撳到40幾張單嘅時候，我撳到雙倍佣金就kick住咗，佢話top up咗個戶口先可以郁番，當時我戶口變咗負數，係負1800幾蚊，但我戶口本身已經有4000幾蚊，佢就叫我top up 2000幾蚊先，之後完成埋餘下嘅單就可以攞番4000幾蚊出嚟，我話唔top up，想攞番之前嗰4000幾蚊，佢話唔得。」她指自己一開始是抱住他們是騙徒的心態去測試，所以再沒有理會對方。
獨家│《姊妹淘》長壽播足十年收視不振摺埋 莊思敏：停得太突然返唔切嚟【下一頁】
Jacquelin再找另一個測試，對方同樣先要Jacquelin在5個YouTube Channel留言和讚好，但今次對方不給她100元，要Jacquelin做搶單工作才有錢，她表示今次賺了200多元，但對方就𠱁她，為自己開條下線為自己抽佣，每日可有兩倍回報，Jacquelin說：「我梗係死都唔肯啦，為咗𠱁我，佢用轉數快過數畀我，確實我係收到200蚊，佢再搵我，佢話『你成功提到款，証明系統冇問題，你可以生條下線畀自己，top up咗戶口就可以搶單，我每日派單畀你，你再派單畀下面，咁就有雙倍回報。』，聽到好吸引，但我唔會咁傻，我話我冇錢top up戶口，從此佢就冇回覆過我任何一個訊息。」
【拿督老竇避炎】莊思敏屋企簽字即場視像對親家 Brian頻摸老婆肚仔奉子成婚？【下一頁】
在兩次經驗中，Jacquelin沒有被騙取一分一毫，反而賺了300元，她笑說：「喺騙子嘅世界，我先係騙子，so sorry，今次拍片同大家講吓，呢啲message唔一定完全呃到你錢，係睇你點去處理，個心態要夠強大，如果你有時間，可以加佢哋做咗YouTube任務，賺咗一舊水先。」
Jacquelin接受《晴報》訪問，提及《東張西望》亦有報道相關騙案，有人曾被騙去28萬元，她表示：「係呀？其實條片出咗之後，勁多人inbox我話佢哋自己都中咗招，但就冇講被人呃咗幾多錢，真係貪多少少就中㗎喇！」問她會如何使用賺回來的300元？她說：「買快速測試套裝，然後捐去畀孤兒院同老人院，因為佢哋都好需要。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】