飛虎3壯志英雄︳吳卓羲被定型再做衝動劈炮警察 Jai Day十樓飛車落街觀眾眼凸

 《飛虎3壯志英雄》現正逢周一至周五晚九點半於無綫翡翠台播出，昨晚（10日）播出第14集，劇情講到瓦干布頭目Leo（Jai Day 飾）綁架了12名人質，要求警方釋放Renee（何慈茵飾），動作、飛車同爆破場面連連，睇到觀眾唞晒大氣。

同場加映：《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

劇情講到「S Team」透過分析片段鎖定人質藏身地點，但原來中咗調虎離山計，Leo趁機到醫院營救Renee。展博文（馬德鐘飾）得悉中計後下令兵分兩路，張嘉軒（黃宗澤飾）、張偉樺（張兆輝飾）帶隊繼續營救人質，佢自己就帶隊出發，增援醫院看守病房嘅何家寶（陳瀅飾）；展博文抵達前何家寶已被Leo猛攻至失守邊緣，幸好高子樂（吳卓羲飾）、許俊飛（苗僑偉飾）喺千鈞一髮之際趕到。

{{hket:inline-image name="25.jpg"}}{{/hket:inline-image}}

其中一幕吳卓羲為追捕Leo同Renee，冒險「掛」喺行駛中的車子上與犯人埋身肉搏，贏得不少觀眾讚賞。而最精彩嘅莫過於Leo為逃避追捕，連人帶車由接近10層樓高嘅停車場「一躍而下」，直衝地面，呢幕飛車場口睇到唔少觀眾「屏息靜氣」，有人甚至表示睇到叫咗出嚟： 「有冇咁誇張呀」、「成日揸車都有呢個幻想，真係有人拍出嚟！」

動作場面係精彩嘅，最癲莫過於Leo、Renee落到地嘅時候冇死，仲可以正常講嘢！Leo仲想作最後反抗企圖引爆炸彈殺人質，佢畀高子樂一槍打死，Renee見狀，傷心欲絕服毒自殺。而覺得自己太衝動嘅高子樂，決定交出警員證辭職。有「御用警察」之稱嘅吳卓羲，以往唔少角色都衰衝動，今次又再被定型「重覆犯錯」，網民見到都話覺得似曾相識，「由《學警雄心》開始，衝動到《飛虎》」、「吳卓羲又衰衝動」、「咁就衝動咗十幾廿年」、「有冇人知道今次係佢第幾次劈炮唔撈？」

圖片來源：大會提供