毛舜筠繞道泰國成功返港報平安 呻本地酒店檢疫安排不及曼谷

毛舜筠（毛姐）與老公區丁平去年赴加拿大同兩女兒團聚兼過聖誕，原定今年1月初返港拍新片，但卻遇上港府實施地區性航班熔斷機制，由於不斷延長關係，因此要滯留當地。毛姐後來決定繞道經泰國回港，雖然計錯日子遲了1日上機，現已順利抵港並入住隔離酒店，昨日（11日）拍片報平安之餘，還分享過了好多難關才入境，提醒大家要注意的重要事項。

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

{{hket:inline-image name="03121001.jpg"}}{{/hket:inline-image}}

{{hket:inline-image name="moje115_270014723_1224316248097700_1585439237030138895_n.jpg"}}{{/hket:inline-image}}

毛姐透過其個人頻道「Mo Moments」，同大家分享這次難忘經驗，她說：「我終於返咗嚟香港，但點解今次標題係『中伏』呢？我之前同大家講過香港政府網站有個列表，好清楚話你知計算日子方法，例如我係1號離開加拿大，2號到曼谷才計第1日，15號就是嘅整整第14日，16號便可以上機返香港。如是者我就16號去機場想走，點不知我上唔到機，原來我當時離開加拿大時係1號，但香港就係2號（時差問題），變咗3號到16號先至係我完整嘅14日，即是17號先至可以飛返香港。」毛姐當時未能登機後即趕去票務處改機票，希望落實日子返港及更改隔離酒店的日子，「邊一日有機飛返香港就改嗰日，希望會有機位，去到發覺好多香港人同我一樣計錯數。改完機票要記得、記得改埋香港入住嘅隔離酒店，因為而家好搶手，亦好彩我都改埋，跟住打去曼谷住開嘅酒店，睇吓仲有無房，因為我要返去住多兩日先可以走得。」她笑言經歷過一次「中伏」，之後上機自不然順利得多，不過就溫馨提示大家，記得離開酒店到機場前做多一次PCR檢查病毒。

《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向【下一頁】

這次幾經轉折才能回來，毛姐趁機回覆外間疑問，「聽有人話我喺加拿大受盡折磨，我諗大家聽漏咗『熔斷』兩個字，我係話喺加拿大受盡香港政府熔斷機制嘅折磨，我諗過往嗰兩個月，嗰9個熔斷國家嘅香港居民都身同感受，好明白我哋點樣被折磨法。因為每次當特首宣布嗰9個國家居民唔返得香港，而我哋係半夜時間，就要即刻起身改機票同隔離酒店，好擔心改到機票但無酒店。」毛姐又指在泰國就算住了14日，熔斷機制下返港後仍要入住隔離酒店，因為到泰國只算「過冷河」。

（↓點擊圖片放大↓）

毛姐大呻落機後感覺香港似打仗，同泰國截然不同，「由一個悠閒慢活嘅曼谷飛返香港，一踏入機場就好似打仗咁，剩係酒店檢疫呢件事上，你會發覺兩個地方處理方式好唔同，喺曼谷一樣係上嚟房間同你檢疫，但上嚟之前會打個電話通知，然後到房門口會撳一下鐘。但返到嚟香港第二朝瞓醒，就會聽到有人不斷撳鐘同拍門，事前係無通知你，當聽到要檢疫都要換睡衣，戴口罩同搵身分證，呢啲過程都需要一分鐘啩？就喺呢一分鐘入面，佢就不斷撳鐘拍門，仲嗌『檢疫呀！檢疫呀！攞身分證呀！』，令到你心情好緊張同煩躁。」港府周三（9日）透過緊急警示系統向全港市民手機發放訊息，毛姐收到時跟部份市民一樣被嚇親，「連一個訊息都要用警報式通知我哋香港市民，知唔知嗰日一響，我嚇到個心都跳埋，即刻問我老公發生咩事，佢話係政府畀我哋嘅訊息…，嘩，香港係咪淪陷呀？所以我哋必需要調節好自己心情，每日要練習深呼吸，同正面啲、樂觀啲嘅態度去面對不一樣嘅香港。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】