反起跑線聯盟︳MIRROR COLLAR甫幼稚園相撐新劇 主角梁詠琪自爆係學校「風頭躉」

個個家長都望子成龍，香港更加有父母計準小朋友出世日子，要自己仔女「贏在起跑線」。不過想子女無壓力咁長大成人，唔想做怪獸家長嘅都大有人在，ViuTV即將推出嘅原創劇《反起跑線聯盟》正正講出兩邊家長嘅心聲。

同場加映︰《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

由梁詠琪（Gigi）主演的ViuTV原創劇《反起跑線聯盟》，將緊接《940920》播出，梁詠琪飾演嘅Nora同老公（強尼飾）一直堅拒成為怪獸家長，佢哋嘅囡囡去到一間新學校上課，喺仇校長（袁富華飾）帶領下，幼稚園以快樂學習作目標，Nora女兒漸漸融入學校生活，情緒大為改善。以為一切向好之際，自大嘅尖子爸爸Charles（潘燦良飾）帶同助手Johnny（岑珈其飾）向學校施壓，務求要小朋友贏在起跑線；而Nora同一衆家長堅守理念，力保子女愉快嘅學習環境，兩股勢力互相對抗，對幼稚園內嘅大小事項上針鋒相對。

{{hket:inline-image name="257834148_2062535453919877_5821691899134953260_n.jpg"}}{{/hket:inline-image}}

Gigi前日於社交平台分享與孖生弟弟嘅童年照，宣傳新劇，自爆細細個已經係風頭躉，「我幼稚園的記憶中，大部分都包括我的雙胞胎弟弟。可能我們是學校中唯一的龍鳳胎，記得老師同學都對我們感到好奇，小時候對被關注的感覺……只有莫名奇妙，哈哈！雖然記憶模糊，但印象中的老師校長阿姨們都和藹可親，幼稚園時光的確無憂無慮、快樂自在！」

Gigi於電影《闔家辣》嘅「老公」鄭中基及「囝囝」呂爵安即入post相支持，MIRROR、ERROR部分成員亦響應「一人一張幼稚園相」，其中Frankie「出賣」後生時爸爸的樣貌，留言：「原來同爸爸好似樣。」而女團COLLAR 8位成員相當齊心，齊齊分享兒時照片，其中隊內「顏值擔當」王家晴（Candy）由細靚到大，蘇雅琳（Ivy So）則post出豪放坐姿的相片，並自嘲︰「原來麻甩嘅坐姿係細個開始煉成嘅」，而Day（許軼）嘅招牌可愛包包面係由細細個keep到而家，真係IP都唔使check就分到邊個打邊個。

除咗ViuTV藝人之外，余香凝、余安安等都有貪得意post出自己嘅幼稚園相，不過最妙都係友台嘅「神助攻」，鍾晴、區明妙同甄詠珊等女藝人都有post出自己嘅幼稚園相「幫手」宣傳。無綫總經理曾志偉在曾經講過想為樂壇「做啲嘢」，希望日後同更多唔同媒體合作，更想合併做一個樂壇頒獎禮，唔通佢哋都係奉「聖旨」行出同友台示好嘅第一步？

撰文：黃蘊姿