三寶分港台泰直播丨王耀祖成功繞道飛泰國度假歎世界 留港抗疫疲勞：不如大家都飛啦

新冠肺炎疫情全球大爆發，一向熱愛旅遊的香港人已經差不多2年幾冇得飛，大家都期待通關之日，可以衝出香港歎世界。昨日王耀祖、曾志豪和貴花田如常在YouTube「田豪祖3寶channel」做直播，不過三人身處不同地方︰曾志豪已移居台灣，貴花田留守香港，而王耀祖原來亦已經衝出香港，表示已出發去泰國度假，認真疏肝！

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

防疫政策無礙見三女友丨鄧兆尊為開電視獻計威脅TVB 爆王祖藍不滿C君上位北上搵錢【下一頁】

{{hket:inline-image name="THANKS4.jpg"}}{{/hket:inline-image}}

王耀祖帶齊裝備在位於布吉的豪宅做直播，期間他應要求展示一下家居環境，他的住所同酒店Resort的環境差不多，無論大廳定主人房都睇到曾志豪、貴花田「嘩嘩聲」，而且屋內擁有私人泳池，王耀祖期間更興奮跳落水「解暑」，在節目中除衫示人，非常搞笑！

王耀祖、曾志豪和貴花田不論在何地都能照樣連線直播與「寶粉」見面，「寶粉們」留言表達羨慕王耀祖可以旅行歎世界，而他亦訴說自己繞道經新加坡，飛赴泰國布吉的過程，非常暢順，只需要住一晚隔離酒店就已經可以自由自在周圍去。「到布吉大約下午六點，後來凌晨三點已經收到檢測報告，可以FREE TO GO！」

梁繼璋被急召頂替│曾志豪貴花田上周遭港台解僱 今早網上開live與原節目打對台【下一頁】

王耀祖表示兩年多沒有回到布吉的家，期間都是靠物業管理公司打掃地方。他說：「今次飛過嚟最大體會同得著係……不如大家都飛啦！香港成日講動態清零，清嚟清去都清唔鬼到，仲不斷擺龍門。香港飛新加坡嗰程飛機，好感受到大家戰戰兢兢。」他表示乘客們均戴上兩個口罩、護目鏡，上機後即刻用清潔紙巾抹座位，亦用酒精噴地毯等，全程所有人都不敢多走動。當他由新加坡轉乘另一班機飛泰國時，感覺完全不一樣。「香港堅持動態清零，搞到人有精神壓力，好緊張，其實我哋面對同一樣嘢，病毒就係Omicron，全世界都一樣，去到新加坡轉機時，佢哋全部戴草帽、太陽眼鏡，雖然都有戴口罩，但你感覺到他們心情係輕鬆嘅！香港？呼吸都有錯咁！其實新加坡、泰國每日確診人數差唔多，佢哋選擇同病毒共存嘛！當我到布吉落機，係要做檢測同準備唔同文件，當地工作人員雖然著住保護衣包到實，但佢跳住舞咁講：『Come！Here！』叫你過去做檢測！」認為氣氛完全跟香港不一樣，泰國、新加坡可以如常繼續生活，經濟亦見復甦，「我覺得飛呢個決定做得好啱，因為我終於發現自己冇咁緊張，終於唞到氣！」

王耀祖指，現時港人自我檢測中招後7日亦可放行，相信限制所有旅客來港接受14日的隔離將會有所改變，他說：「相信大家儲落咗一啲假期，如果返港只是隔離7日的話，我係高度建議大家走一轉，因為身心健康好緊要。」

{{hket:inline-image name="275607344_343210697820436_639541031275729358_n.jpg"}}{{/hket:inline-image}}

{{hket:inline-image name="275562424_343739417767564_9077877941903761128_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉