陳國峰（Penny）於2010年藉參加《超級巨聲2》而入行，但至今歌曲產量並不多，反而多參與劇集方面的拍攝，今年播出就有1月的《鐵拳英雄》，上月客串《愛回家之開心速遞》做Liza（姜麗文飾）的未婚夫。看似機會一個接一個的陳國峰，背後卻接連發生不幸事件，當中包括爸爸離世，而疫情影響下也令其生意受挫，收入大減，交租食飯出現大問題；同時他的媽媽染疫後，現在連他也中招，正自我隔離。
同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道
{{hket:ul-video id="5424"}}{{/hket:ul-video}}
{{hket:inline-image name="hugepenny_275793268_369753771674003_6243010176917821452_n.jpg"}}{{/hket:inline-image}}
{{hket:inline-image name="hugepenny_149028935_107741258009504_497875851915832820_n.jpg"}}{{/hket:inline-image}}
陳國峰去年6月接受傳媒訪問時，表明為幫補生計復出做健身教練，見他在網上大曬fit爆身形。原本他有份投資的拉麵店，早於疫情前已退股，之前更有報道指他同莫家淦兼職日薪900元的搬貨工作，賺些外快。他說：「有兩個小朋友……經濟壓力都大，之前有登記過做職業司機，不過始終過唔到自己嗰關，最後都冇做到。」又透露份薪金，未到月中已使去大半有多，幸好有太太支持及不時安慰，感情大躍進。
愛回家丨池子孝挑戰Liza未婚夫靠閃贏出 陳國峰演Dino菲律賓口音出色【下一頁】
今日（15日）陳國峰疑似壓力爆煲，在IG愁爆連環數近期遇上的不幸事件：「1月正式開始，人生絕望低潮，逆境都要面對。1，爸爸意外走咗，做白事都要一切從簡。2，媽媽不幸染咗（新冠病毒）。3，自己外面工作停頓，收入大減7成，只係靠TVB。4，老婆停工2個月未復工，完全零收入，經濟發生大危機，連交租食飯都成問題，屋企還有2件小朋友。5，最不幸自己都中，要自我隔離。#連串不幸事件 #我都要堅持活著 #生命只得一次 #我要做一個盡責父親 #我相信雨後會有陽光 #香港人加油 #永不放棄精神 #疫境自強」。
（↓點擊圖片放大↓）
- {{hket:inline-image name="1_602.jpg"}}{{/hket:inline-image}}
- {{hket:inline-image name="03151002.jpg"}}{{/hket:inline-image}}
- {{hket:inline-image name="03151003.jpg"}}{{/hket:inline-image}}
陳國峰最急切解決是經濟問題，最麻煩是他染疫後要自我隔離，就算有錢搵，也不能接工作，太太又因停工而零收入。他在社交平台大訴苦水，同時表明會做一個盡責父親，深信雨後會有陽光，堅持永不放棄的精神。鄭世豪、洪永城、陳山聰、姜麗文、鄧伊婷、朱智賢、鄒兆霆、黃穎君及陳慧敏等，分別隔空送上祝福及打氣。
陳國峰今日接受《晴報》訪問，他坦言將苦況、困難講出來之後，整個人的感覺舒服了很多，「冇嚇親身邊人，好多朋友主動搵我、擔心我，想睇吓有咩幫手。（家居隔離如何？）其實由月頭已經冇返去屋企，怕自己感染傳畀阿仔。（朋友有冇提出幫手？）真係好多朋友好關心我，Bob（林盛斌）係其中一個，佢冇講到明話點幫，話如果有乜需要即管出聲，王梓軒都一樣咁講。（今個月屋企開支如何應付？）我已經搵朋友幫忙。（會否問無綫借糧？）未必借，唔識點講……」陳國峰表示這段期間只能靠視像電話同囝囝聯絡，真的好掛住他們，亦希望每個人都能夠打贏這場仗。
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】