老婆Joey爆料︳梅啟明稱梅艷芳附身泰籍情婦 踢走梅媽看護安插自己人掠水

已故天后梅艷芳母親上月登報與長子梅啟明脫離母子關係，梅啟明冇耐之後就喺街頭開記者會，聲稱自己已經聯絡到媽媽，更指梅媽被姪仔梅柏麟操控、教唆兼禁止見面。今日梅啟明老婆Joey因為看不過眼，撰千字文及公開錄音證據爆大鑊。

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

去年梅啟明公然同泰籍情婦May May手拖手行街成為Joey大義滅親嘅導火線。Joey指此事對兒子打擊好大，而梅啟明亦從未反省，諉過於人，「而家佢連最親嘅人都傷害，我同個仔不得不同佢劃清界線！」同時指上月27日嘅街頭記者會，梅啟明曾要求妻兒一同現身，以營造家庭和諧假象，Joey即時拒絕，但May May搶過電話「講數」，又指梅啟明借佢好多錢、使咗佢好多錢。

{{hket:inline-image name="20220228JLB005__20220228_L.jpg"}}{{/hket:inline-image}}

Joey透露梅啟明一直向梅媽苛索金錢，每次唔畀錢梅啟明，佢就會扔傢俬威脅及恐嚇，梅媽不堪精神虐待，所以一直留喺醫院，唔願返屋企 。上月25日，梅啟明致電臥病在床嘅梅媽攞錢，梅媽拒見︰「你唔好再騷擾我！」Joey指梅媽選擇脫離母子關係係最後手段，相信梅媽仍然好愛阿仔。 

Joey指自己喺馬來西亞返港後探望過梅媽，當時梅媽在醫護面前說︰「呢個先係我新抱。」原來梅啟明為方便女友May May進出醫院而訛稱佢係「老婆」；梅啟明更一早將梅媽身邊人趕走，當中包括梅媽嘅私家看護，之後要求以三萬元聘用女友嘅朋友，但工作一日就被炒魷，二人遂向梅媽取二萬蚊「補償金」。

更過份嘅係梅啟明疑向梅媽聲稱女友May May有法力，可以畀阿妹梅艷芳上身。當時仍在馬來西亞嘅Joey覺得可笑，質問梅啟明：「你話妹妹上身，點解晚晚攬住瞓，亂倫嗎？」表示就算冇腦嘅人都唔會相信。梅啟明繼續自圓其說：「你信又好唔信又好，上咗身就變咗好似……你都唔夠膽去嘅地方，佢去埋省善（省善真堂）、去埋志蓮淨苑……去到好似森林入面咁，去搵阿梅骨灰……抹佢嘅相……」

撰文︰黃蘊姿