流行都市丨章志文約滿離巢TVB舉家移民 獲圈中好友歡送激動落淚

《流行都市》主持人章志文近日正式約滿TVB宣布離巢，事關他正準備舉家移民加拿大，章志文最後一日錄影《流行都市》時，原來一眾老友為他準備驚喜歡送會，當中包括林淑敏、劉彩玉、姚嘉妮、宋芝齡、安德尊和三姐蕭秀香等，加上幕後的所有工作人員，令章志文一度激動流下男兒淚，場面非常溫馨。

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

【疫情唔小心肥咗】章志文蔬果汁減肥30日踢走16磅 「淨係忍肚餓都未係最辛苦」【下一頁】

{{hket:inline-image name="ch10.jpg"}}{{/hket:inline-image}}

{{hket:inline-image name="ch4.jpg"}}{{/hket:inline-image}}

{{hket:inline-image name="e0a6699e-1fcb-45d3-921a-78a279642b48.jpg"}}{{/hket:inline-image}}

章志文接受《晴報》電話訪問，他承認3月15日是他TVB的最後一日，7月將舉家啟程出發加拿大定居，志文早於讀書時代已經移民加拿大，今次「回流」帶同太太和兒子到當地生活，全因希望兒子可以在加國升學。「其實早一兩年已經有咁嘅打算，可惜疫情嘅關係，一直未有機會去當地觀察吓啲學校環境或工作情況，但等咗好耐，香港又不斷停面授課，我哋唔想囝囝太遲過去，所以有呢個決定。」

章志文和同為演員的太太陳念君一直有共識，一家人不會分開生活，不希望做「太空人」。「雖然我要離開工作22年嘅地方，唔捨得但為咗小朋友，係值得嘅！」他表示感激《流行都市》團隊的用心歡送，幕後特別安排由《都市閒情》開始的元祖級主持們一齊主持最後一集，講再見之後，所有主持們即時上前送上蛋糕，特別是林淑敏雖然沒有工作，但都特別返公司歡送他，「我見到呢個場面真係好感動同唔捨得大家，所以實在講唔出說話，搞到眼濕濕好激動，所有同事都好唔捨得，因為合作無間好似大家庭咁，而我知道短期內未必會再見。」他特別感激由《都市閒情》到《流行都市》三位監製的提攜，否則沒有今時今日的章志文。

與朱維德主持20年《文化廣場》停播 章志文擔心收入搞小生意養家【下一頁】

章志文透露在加拿大暫時未有工作打算，「我係一位基督徒，心入面好有平安，我相信主會帶領我哋一家！當然我喺電視界做咗22年，有一定經驗，而且我嚟香港之前喺加拿大都係做電視台工作，希望返去之後有機會向電視行業發展，幕前幕後做製作都可以，甚至做KOL帶貨等都可以嘗試。」他笑言7月出發前幾個月時間主要執拾行李，到步後要先搵學校同住處，再跟當地老友見面和找工作。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉