成龍睇中谷愛凌公開點名大讚 跟成家班練拳搶先邀做「龍女郎」

現年僅18歲嘅女子自由式滑雪運動員谷愛凌，外形標青再加上特殊嘅國籍背景，早喺佢奪得北京冬奧兩金1銀前已經備受關注。而演藝界都對呢位新星好有興趣，紛紛向佢招手，日前谷愛凌上載咗佢同「成家班」練拳，似乎好大機會成為新一任「龍女郎」。

同場加映： 《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

谷愛凌周三（16日）於Instagram上載同武打巨星成龍嘅合照，成龍用手指向谷愛凌，谷愛凌則高舉大拇指，黐到埋一埋，好似好close咁！成龍同呢位滑雪美少女，看似大纜都扯唔埋，點解會有呢個組合出現呢？

{{hket:inline-image name="274362493_321169833308281_2444805868489630521_n.jpg"}}{{/hket:inline-image}}

據內地傳媒報導，谷愛凌成名前已吸引到成龍嘅目光，曾公開點名睇好呢位新星。當時成龍擔任北京冬奧火炬手後接受訪問表示自己有關注冬奧運動，最喜歡嘅係雙人花式溜冰及滑雪跳台項目：「尤其是我們幾個（運動員），名字忘了。我就記得一個谷愛凌，希望我們的健兒拿多一點獎。」

谷愛凌又有喺Instagram展示練拳短片，短片中同佢對練嘅拳擊教練正係來自成龍旗下「成家班」龍韻武藝團。短片中可見，谷愛凌不止身材弗爆，而且拳拳有力。令人聯想到以谷愛凌的身形、身手、樣貌同名氣，大有機會進軍演藝圈，成為新一任「龍女郎」。

另外亦有指谷愛凌早前同內地男星易烊千璽拍攝冬奧短片《冰雪之約》時，已獲導演丁晟讚不絕口：「她天生就是精裝修的房子（指容貌純天然），她真的是條件太好了。」據稱丁晟當時立即邀約谷愛凌，問對方是否有意進軍演藝圈，獲答覆「非常感興趣」。當時在場的工作人員指丁導要排成龍大哥後面，相信成龍已喺丁晟之前作出邀約。然而丁晟係內地著名導演，佢嘅電影作品包括由成龍主演的《警察故事2013》及《鐵道飛虎》等，未知到時3人會唔會嚟一個「世紀合作」。

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】