陳湛文最近憑ViuTV劇集《IT狗》而人氣急升，劇中他飾演黑客兼程式編寫員「男B」Billy，不時與「女B」Billie（余逸思飾）鬥氣，角色臭咀得來又為觀眾帶來笑料，演技備受外界好評。原本他同男神黃子華、張繼聰、鄧麗欣、林明禎及王菀之合演的新片《飯戲攻心》，被安排今年賀歲檔上映，有大機會藉子華神效應增加人氣，可惜遇上第5波疫情，戲院被逼暫停關門，電影上映遙遙無期，亦影響其演藝事業再跨前一步。
同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道
{{hket:ul-video id="5424"}}{{/hket:ul-video}}
陳湛文這次同《飯戲攻心》導演陳詠燊，接受網台節目《月傾會》訪問。對於憑《IT狗》初嘗爆紅的感覺？陳湛文說：「我會話係有少少守得雲開，因為經歷過《三夫》我又唔會期望太大，我本來真係覺得你哋都應該唔記得我㗎啦。」陳湛文是演藝學院戲劇學院藝術學士（榮譽）學位畢業，早年活躍於舞台劇方面，2017年憑《少年十五二十時》獲最佳男配角奬（喜劇／鬧劇），近幾年曾參與電影《三夫》（2019年）、《鬼同你住》（2021年）及《飯戲攻心》（2022年），當中憑《三夫》獲金像獎最佳新演員的提名。
至於《飯戲攻心》會否安排網絡平台上映，導演陳詠燊話：「其實我第一日寫呢個劇本唔係為咗賀歲，我哋覺得呢套戲好適合喺戲院，好大班人一齊睇，始終喺電視機睇同喺戲院睇好唔同，我哋好想捍衛番戲院，因為我覺得戲院係一個文化嘅殿堂。」
《IT狗》｜陳湛文由銀幕走入公仔箱演宅男 兩年前娶TVB娛樂主播一家好溫馨【下一頁】
在《大膽答 冇膽食》環節內被問到合作過最難頂的藝人時，陳湛文答：「嗰種難受唔係對我侮辱，而係覺得佢唔尊重演員呢一份工作，因為佢埋親位都飲到成身酒氣，台詞又唔記得，仲要導演叫佢唔好咁做，佢呢頭話好、冇問題，嗰頭又做番。」他未有公開對方全名，只話對方是一個P字頭的男星，「佢本身來自電影，仲要係資深㗎。」根據陳湛文過往演出過的資料，《鬼同你住》主角之一的車保羅英名名字Paul正是P字頭，又是資深演員，不知他口中所講的是否對方呢？
（↓點擊圖片放大↓）
再問到重拍《三夫》想同哪位女星演情慾戲，陳湛文直接開名想廖子妤做對手，「因為我最近睇咗佢《半》個MV，拍得好靚，同埋佢拍呢啲嘢都幾手到拿來。」最後問到日後小朋友想做演員時又何忠告，陳湛文話：「囡，如果你想做演員，你就好好守護住自己最純樸、最通透嘅心靈，因為呢一個心靈，先至令到你可以作為一個演員去發光，去感染到你自己同埋睇你嘅觀眾。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】