淡出娛圈轉戰商界 江芷妮為美容王國洗廁所

息影多時的江芷妮，最近為可宜主持的香港開電視新節目《有種老闆娘》任嘉賓，原來芷妮現時不但是兩孩之母，更是兩間美容公司的老闆娘。回想07年息影及開拓美容事業後，芷妮因下屬一句話，激發她全身投入美容事業︰「有次同事想問我嘢，佢問完之後就話『我諗你都係唔識』，令到我想喺呢行學多啲嘢，慢慢就全身投入，無做藝人。」

芷妮除了跟客人溝通、遞毛巾外，連洗廁所都一手包辦，「做藝人被人服侍開，但轉型就變咗做招呼人。當時安德尊對我好好，佢同我講『芷妮，做生意掛個名就得，唔使落手落腳』，但我覺得唔全心全意做、唔認識業務，好難做得好。」去年在疫情下，芷妮除了誕下第二胎，公司還搬了新舖，她說︰「好感謝先生幫手，新舖設計、裝修、買一枱一凳都係佢幫忙；我亦好感謝媽咪，70幾歲都幫我湊小朋友。」