缺德播毒︳大圍公屋天降疑沾糞廁紙掟中窗台 半個月3次港女崩潰：仲有幾隻烏蠅

高空擲物行為本是缺德行為，如果大掟污穢物落樓，相信會令樓下「中招」住戶甚為頭痛。一名家居大圍公屋的女街坊發帖吐苦水，指樓上住戶經常將疑似沾糞的廁紙掟落樓，惟向房屋署、屋邨辦事處投訴半個月來仍然無果，而她於期間已「中招」3次，因此只好向一眾網民求問：「可以去邊到投訴？」

同場加映：

Sick問識答︳高低膊易致頸胸肌肉緊張 物理治療師教3大動作紓緩不適

{{hket:ul-video id="5496"}}{{/hket:ul-video}}

該名家住大圍新翠邨女街坊日前在「沙田之友」發帖，指現時疫情嚴重，詢問其他網民：「如果樓上成日掉疑似屎嘅廁紙落街，可以去邊到投訴？唔該。」從其上傳圖片可見，有明顯用過的廁紙掉到其家中窗外的晾衫架，紙上更沾有啡黃色疑似污穢物，狀甚嘔心。

事主表示，自己曾致電政府熱線1823投訴但無果，亦向房屋署投訴，「投訴畀房屋署，打電話去叫佢搵人上嚟睇，佢話唔會入屋睇，但會跟進」；翌日再交照片予屋邨辦事處職員看，對方稱會在大廈貼通告提醒，

「等咗半個月，紙碎都未見過一張，但係等到第3次嘅廁紙（第2次喺外面掛衫架邊，肉眼唔見有屎）算數，今次喺正窗台口，仲要有幾隻烏蠅通知。」

因此，她立即致電房屋署，「佢話個負責區長放假，叫我哋有咩講低。我話有屎呀，講低咩呀？嘈咗一陣搵咗個話得事嘅會叫人上嚟影相，10幾分鐘左右有人上嚟，影晒相（重叫佢影埋啲烏蠅）。」

翌日，事主發現其所住樓層的升降機旁邊果真已張貼通告，「心諗都算有做嘢」。未料她隨後「掃樓」查看發現，樓下大堂、升降機內及多個樓層均沒張貼該張通告，最後只好向區議員求助，而對方亦表示會跟進，

「大堂無、電梯入面都無呀！我先知，住嗰層投訴，佢貼返喺住嗰層同低高隔一層。真係多謝晒！唉……你張通告貼喺大堂或者電梯入面，我都當你想畀個警惕人呀！貼返畀投訴嗰層睇都唔知咩玩法！」

此事引來網民熱議，不少人表示自己亦有同類經歷，而且「投訴極都冇用」：

「高空拋擲破壞環境衛生的物件」可被扣7分

根據「屋邨清潔扣分制」，扣分制涵蓋28項不當行為，違規者將按其行為的嚴重性被扣3、5、7或15分。如公屋/中轉屋住戶在兩年內被扣除的分數累計達16分，其租約/暫准證將被終止。其中亂拋垃圾、隨地棄置垃圾，如棄置於電梯大堂或無蓋垃圾桶內等，會被扣5分；高空拋擲破壞環境衛生的物件、在公眾地方吐痰、在公眾地方便溺等會被扣7分；而高空拋擲可造成危險或人身傷害的物件則會被扣15分，而對於涉事租戶，房委會會引用《房屋條例》發出遷出通知書，終止其租約。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

責任編輯：李凱晴