人夫放假約出去滾丨洪永城自爆前女友因黃翠如呷醋 望住個女笑決心要成熟擔起頭家

洪永城與梁諾妍的女兒Amber出世滿100日，他們分別在IG上載Amber的可愛相，祝女兒健康快樂成長，洪永城留言：「祝你健健康康，好努力咁成長，爸爸希望好快可以帶你出去行街街，陪你喺草地上面玩跑跑，之後再帶你出去旅遊遊，帶你隻大眼睛一齊睇世界，期待下一個100日1000日。」Amber的樣子與爸爸餅印一樣，太太忍不住留言指「洪永城扮女仔」，就連契爺蕭正楠亦留言：「啊⋯⋯洪永城呀！」

同場加映：飛虎3壯志英雄丨蔡思貝認表裡不一軟弱時需要陪伴「事業未成唔會諗結婚生仔」

{{hket:ul-video id="5494"}}{{/hket:ul-video}}

{{hket:inline-image name="274759825_966031024021600_4667434735459565276_n.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}

這兩晚，由林盛斌主持的《人夫放假約出去滾》播出洪永城的訪問，後者經常與黃翠如合作，他大談前女友因而呷醋，又指自己在女兒出世後人生觀改變了。提到初戀女友，洪永城透露在紐西蘭讀書時認識對方，她是日本人，笑言有三上悠亞的感覺，但拍拖一星期就分手。

【有一種友情】黃翠如洪永城先後出Po互相調侃 蕭正楠兩度留言被網民笑呷醋【下一頁】

回想年少的輕狂歲月，洪永城表示當年愛「蒲吧」，更曾做過「護花使者」，他說：「飲完酒好High，有四、五個10幾歲𡃁仔，撞一吓膊頭，無話邊個錯，跟住就打我旁邊嘅女士，又扯我頭髮，於是我哋就圍毆；但我哋唔夠抽，後來警察到咗，佢哋已經走晒……我哋蜷縮喺地下，受咗傷，衫又爛晒，嗰次印象比較深刻。」

黃翠如單方面宣布做Amber契媽 梁諾妍首肯洪永城為「著數」考慮【下一頁】

{{hket:inline-image name="70701035_138033860863494_2333872687743683229_n.jpg"}}{{/hket:inline-image}}

{{hket:inline-image name="245028057_934116767452321_8946791772767765282_n.jpg"}}{{/hket:inline-image}}

提到與黃翠如拍擋的日子，洪永城指當時圈外女友有點擔心，「佢話『你同佢咁合拍，咁夾，你哋有冇嘢㗎？』我話自己對佢冇，佢對我……（笑）死喇！佢睇咗一定殺咗我個女。」林盛斌追問他是否有一刻喜歡黃翠如？洪永城立即搖搖頭說：「從來都冇！真係工作夥伴，唔夾就係唔夾，唔係佢性格有咩問題或者缺憾，就係大家都冇呢種感覺。」坦言一直視黃翠如是好朋友、好兄弟。

洪永城B女出世似爸爸唔開心 梁諾妍痛半日宮頸未開「食全餐」【下一頁】

遇上太太梁諾妍，洪永城笑指當時借「減肥」去結識對方，直至拍拖兩個月，被傳媒影到照片才公開戀情。提到生Amber時，洪永城有陪入產房，第一刻看到女兒，他笑說：「咁似我？咁大鑊！似媽咪吖嘛，靚女啲吖嘛！」護士替他們拍下生B過程片段，洪永城至今仍然不敢看。

看到Amber日漸長大，洪永城坦言改變了人生觀，他說：「有一晚抱住個女，佢應該係第一次對住我笑，諗番呢幅畫面，原來我要成熟，我要變大個！男士比較自我，玩電話、打機，想要自己嘅生活，原來而家……唔係唔得，係所有嘢都牽連一齊，我覺得責任好大，成為一家之主。我成日漂泊，周圍去拍嘢，我冇乜嘢扎根嘅感覺，直至阿女對住我笑嗰一刻，我又望吓屋企，我要停落嚟，扎根！要好好照顧呢個家庭。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】