鍾培生帶葉蒨文出巡打爛醋埕？ 袁嘉敏稱「支持金」少疑不滿被收埋

現年37歲港姐出身嘅袁嘉敏，日前突然公開鬧爆百億富三代鍾培生同佢父親係人渣，又指佢哋有「古怪要求」，事件耐人尋味。當事人鍾培生事隔一日透過社網平台交待事件，承認曾向對方提供經濟援助，及後二人性格不合已停止見面，並已有半年時間未有與對方見面，質疑對方處心積慮引起輿論，更引導大眾聯想「多人運動」。

同場加映： REBOUND丨Alton隔7個月先覆短訊認衰仔 AK稱入行爆忙感激圈外老友諒解

{{hket:ul-video id="5540"}}{{/hket:ul-video}}

袁嘉敏喺社交平台曬鍾培生豪宅相，顯示自己曾喺鍾家過夜，回應亦似係覺得自己同鍾培生正常交往，反指係對方事事講錢，又話鍾培生咁講係為咗令大家覺得佢貪錢，表示鍾培生打電話畀佢傾心事時，都叫佢每個電話收番一千蚊，佢都堅持唔肯收。

{{hket:inline-image name="71045705_505893416809489_7620612649121383_n.jpg"}}{{/hket:inline-image}}

而袁嘉敏指鍾培生打拳賽嗰半年經常搵佢傾偈，又承認同鍾培生曾交往，並指交往初期，對方曾主動要畀錢，因為覺得唔畀就等於佔佢便宜，所以初時確有畀過，但之後再畀就拒絕咗，袁嘉敏同鍾培生講大家做朋友唔好講錢。袁嘉敏由始至終都冇正面回應二人關係，只表示：「朋友，咁啱嗰陣佢做拳賽，我就一直支持佢，咁冇理由一邊支持一邊計錢，佢年紀又細過我，我點好意思收，但佢嘅思維總係圍繞錢。」

今日又有一個新人物捲入事件，袁嘉敏同鍾培生關係密切，但就畀對方「收埋」，永遠都唔見得光；相反，鍾培生就同好多女神級嘅後生女扯上關係，其中更有人點名《愛．回家之開心速遞》演「島大女神」嘅葉蒨文（Sophie）同鍾培生出雙入對，有指袁嘉敏因為咁而打爛醋埕。

葉蒨文承認與鍾培生認識多年，亦曾經同對方去仁濟晚宴，佢回應《晴報》：「其實認識鍾培生呢個人 但係唔係好熟亦都冇交往好密 。因為一大班人出席一個慈善活動而被拉下水實屬無辜。」佢又指自己唔識袁嘉敏。葉蒨文之後曬出佢同圈外男友嘅合照，原來事件爆出嘅時候佢正係同男友慶祝緊四周年紀念。葉蒨文感激男友體諒，更加指經過呢件事，佢哋嘅關係將會更加堅固。

{{hket:inline-image name="1.png"}}{{/hket:inline-image}}

袁嘉敏又指同鍾培生關係惡化並非因其他女人，至於近百萬「支持金」，佢就表示：「冇，數目很少，不值得提。」唔係為其他女人亦唔係為錢，到底二人係因乜交惡呢？

另一邊廂，鍾培生死對頭林作近日貼出一張同袁嘉敏嘅微訊對話截圖，並寫：「本人已和飛離香港的袁小姐取得聯繫。欲知對話內容，請DM本人。位位5舊（嚿）。」更指自己只接受PayMe和轉數快收費，之後上載朋友於Payme過數500元嘅證據，稱已賺5位數字。

{{hket:inline-image name="yesyyCfVtkzVJVT9x64IkddJTigNpW5-PXj1Yj149WI.png"}}{{/hket:inline-image}}

Candy出文鬧爆林作，直指遭對方出賣：「我昨晚是有叫他不要Comment咁多，因為件事都唔關佢事，語氣也不是在命令他甚麼的，早前幫過他，希望他在這刻Comment少些。他一早起身就拿出來賣。也好，讓市民看清楚他會五百元出賣朋友。」更加話「這種男人也真悲哀」。

{{hket:inline-image name="277694227_472897261283112_6994807976426259860_n.jpg"}}{{/hket:inline-image}}

林作表示自己只係開玩笑，話自己其實唔知任何內情，「冇料可以爆」可來出賣，又稱Candy沒有直接講明叫佢唔好再評論佢同鍾培生一事。至於有人付款$500畀林作，林作表示係朋友向佢買衫過數畀他，又反提出Candy應向佢道歉：「佢應該嚟同我道歉囉，佢而家屈我。」

圖片來源：Instagram