鄧健泓陳敏之做鄰居鬥唱K結怨 爭住買舊居風水樓吸旺氣

鄧健泓日前接受陳敏之的網上節目《chi chat》訪問，細說自己初入無綫做兒童節目時，與陳敏之是左鄰右里，可惜對方高傲的態度，令鄧健泓一直沒有機會跟她打招呼，他說：「你孭住書包，擺晒Model姿勢，我成日都想同你Hello，但係冇機會，因為冇一個眼神可以同你『Hi』，我唔憎你，我覺得呢個女仔又高又靚，係寸啲㗎喇，你媽咪就Nice好多。」

同場加映：黃德斌入行34年欠缺安全感 幸運遇上戚其義成演藝導師

{{hket:ul-video id="5534"}}{{/hket:ul-video}}

{{hket:inline-image name="3245678.jpg"}}{{/hket:inline-image}}

{{hket:inline-image name="273471281_102400645641116_5660757273552630250_n.jpg"}}{{/hket:inline-image}}

每逢周末，鄧健泓都會在家開住大門唱卡拉OK，陳敏之笑指這就是結怨原因，她說：「你成日帶同事返屋企練歌，有男有女嘅，你哋唱得好大聲，當時我就諗『好巴閉咩？我夠想做歌手咯！』於是我就扭大聲啲，我好記得當時唱黎瑞恩嘅《一人有一個夢想》，你哋唱得大聲，我又大聲，以前冇隔音㗎嘛，結果我心入面就諗，『同佢都係傾唔到，都唔知佢咩人，唱歌又咁大聲，又成日唔知帶邊個返嚟，我好驚呀，後來每次見到佢，我都知自己好衰，佢好似試過想嗌我，我就喺架Lift度㩒㩒㩒啲制，想快啲落樓。」鄧健泓笑指她很賤格。

人生谷底｜陳敏之呻被話戲屎鬧勻全身唔好 「覺得我係咪應該唔做？」【下一頁】

鄧健泓隨即爆料指，「你未搬走之前，有個高高地嘅男演員成日嚟搵你，你唔記得咗？嗰個（男演員）都有同我Say Hi喇！」這位男演員相信是她的舊愛楊明。提起舊居，兩人均表示很旺這一行，鄧健泓說：「我未搬走嘅時候，知道你已經同小室哲哉（日本著名音樂人）簽約，我一直覺得我哋住嘅係風水樓。」陳敏之坦言想買回舊居。後來二人成為好友，源於合作舞台劇。

小儀與13型男丨鄧健泓大男人介意石詠莉被睇蝕 廁所偷泣因為家姐爭贏埋單？【下一頁】

{{hket:inline-image name="183153971_308965580665681_2972391846191496855_n.jpg"}}{{/hket:inline-image}}

鄧健泓指太太石詠莉與陳敏之撞樣，更拿出兩人合照，「佢哋兩個化咗妝，有啲角度係有點似。」陳敏之說：「我都試過認錯，少少似樣，如果係都係我係佢家姐，所以你鍾意番我囉，因為我似你老婆。」

與石詠莉結婚3年│鄧健泓傳曾為蓋世寶刀仔拮大髀 親自解畫強調分手亦是朋友【下一頁】

{{hket:inline-image name="273821603_621133348970531_2097592468476332261_n.jpg"}}{{/hket:inline-image}}

對於男人面對最大的煩惱，禿頭或者性無能，鄧健泓寧選前者，他說：「可以剃光之後紋條龍都型呀，（性無能）食藥又有副作用。」揀另一半時，第一眼會留意外貌還是身材，鄧健泓笑而不答，陳敏之說：「我代你答，係身材，仲要係胸部。」鄧健泓說：「唔係呀，我係想兩樣都要。」而最不滿意自己的部位，陳敏之表示不滿意胸部，鄧健泓笑說：「你生仔嗰排OK，D（Cup）呀？」陳敏之認同：「好大，唔止（D Cup），其實開心，但原來唔襯我，我嗰陣時拍《溏心風暴》，我好似大山婆，嗰場戲係講司棋姐同夏雨哥要摑醒我，我就追住唐文龍，一路跑，我睇番啲片，我覺得自己好大咪。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】