一起走過︳王俊棠憶初拍劇勁NG被前輩怒睥 魯振順𢲷撈想加入《愛回家》

王俊棠和魯振順是圈中兩大綠葉王，演得又唱得，這次一齊接受港台節目《一起走過》主持人楊紹鴻、寶珮如訪問，分享多年來的所見所聞。當中王俊棠由電影轉戰電視，成功洗脫昔日奸人本色，近年憑《愛回家之開心速遞》池富一角入屋，魯振順亦開玩笑話自己都恨拍《愛回家》，不過就算「𢲷撈」也無用。

{{hket:inline-image name="04041002.jpg"}}{{/hket:inline-image}}

{{hket:inline-image name="yukimi_chung_271268876_349256063266033_2467021688201524724_n.jpg"}}{{/hket:inline-image}}

同場加映：黃德斌入行34年欠缺安全感 幸運遇上戚其義成演藝導師

{{hket:ul-video id="5534"}}{{/hket:ul-video}}

王俊棠早年以藝名「伊凡威」拍電影，轉投電視圈發展就用原本名字，他說：「因為電影歸電影，電視歸電視，拍電影係用伊凡威，咁入電視就用番自己個名。基本上我係唔識做戲，拍電影只係得一部機拍你，導演叫你做乜就做乜，『打佢、殺佢、上』，嚟嚟去去都係嗰幾句對白，但入到電視台就三部機拍，我就先知道咩叫拍戲，以前𠵱起排牙就笑，睩大隻眼就話嬲，好簡單……無畀心機放喺演技上，反而大傻（成奎安）就跑出咗。我又唔埋堆又好忙，變咗少咗交流，同埋涉及好多嘢嘅，自己又以為Ok，其實一啲都唔Ok。」

愛回家丨王俊棠被網友嫌屋企寒酸放入劇情 池富望池美麗多「回家」團聚【下一頁】

《陀槍師姐》及《鹿鼎記》是王俊棠最早期的作品，他坦言拍《陀槍》時仍未知驚，之後《鹿鼎記》演鰲拜時才驚覺自己不懂做戲，「呢套係古裝劇，再加上要行位記對白，人哋講對白時原來都會拍你反應係點……真係唔識全情投入嗰種感覺，要知道人哋講梗，你反應係要點樣。（當年有被人話過？）只不過係眼神啫，好似有場戲喺大殿，成頁紙對白要我講晒，要也文也武講呢樣嗰樣；做大臣嘅都係前輩，仲好多係好前輩嗰種……有好多已經唔喺度，有啲都已退休，我講對白講到擘大口都甩，佢哋擰轉頭畀啲眼神你睇，跟住導演叫我出一出去唞唞氣先。（有無人話全廠等你收工？）無人咁話，因為個個都唔識我，唔怕我打你呀？咁樣對我？老老實實唔知我咩背景，嗰陣只係電視台第二部劇，第一部《陀槍》都未出街。因為我喺電影都係做惡人，嗰陣見到我驚唔驚先？唔識我嘅人會驚……場戲又唔係得你一個喺度企，成班人一齊去拍，我唔得都無辦法，等吓囉，所以無人同我咁講過。」

思家大戰丨王俊棠細仔東東被讚靚仔又淡定 身高190向模特兒界發展【下一頁】

王俊棠由1998年的《陀槍》至今時今日的《愛回家》，廿多年來已參與過無數劇集，足證明他在演戲方面很有天份。問到演技何時開竅？他笑說「我到而家都未，都係捉摸緊。」身旁魯振順指王俊棠在《愛回家》很重戲份，他就算「𢲷撈」也入不到劇組，「我哋𢲷撈都無得入，講咗好多次啦，你知而家TVB講計騷，唔夠騷就豉椒炒魷。年年會同你講合約，2、3年講合約就同你計數，好奇怪㗎。（公司有劇開唔搵你唔關你事？）唔係㗎，佢話你唔做咋，哈哈哈。」

（↓點擊圖片放大↓）

提到多年來最喜愛的角色，王俊棠表示：「個個角色都鍾意……鰲拜其實係我一個遺憾，我係唔收貨，同埋真係唔識點去演繹，咁話畀番我再重做呢，我諗會好好多。（池富又如何？）呢個角色都可以，一個市井性格，貪小便宜又縮骨，不至於去到好衰，入到屋同衰衰格格。」魯振順話：「真係鍾意做皇帝角色，高高在上，不論你咩牌見到都要下跪，點都要跪一跪。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】