婚後復出 李蘊獲老公全力支持

李蘊（Renee）03年參加歌唱比賽，被時任經理人Peter Chiu發掘簽約，一直備受公司力捧；15年Renee嫁商人羅章冠，並先後誕下一對仔女，逐漸淡出幕前。最近Renee見一對仔女開始長大，靜極思動，在粉絲和老公的支持下決定復出，更飲水思源重投Peter Chiu公司旗下，簽下一生一世的長約。

Renee開心今次復出獲老公支持︰「我留喺屋企做咗幾年全職媽媽，依家小朋友開始大，我有多啲時間做其他嘢，老公都好支持我做番我喜愛嘅嘢。30歲，話大唔大，話細唔細，趁住仲有理想、活力，應該繼續充實自己！」另外，Renee去年緊急入院，切除脊椎腫瘤，她自言已經康復︰「覆診時醫生話傷口埋得幾好！照X光裏面嘅螺絲位置都正確！不過醫生話我皮太薄、無咩肉，隔住層皮都摸到螺絲！哈哈！」