金宵大廈2丨林子善親解劇中三個平行時空 認TVB劇難有突破因高層最怕...

《金宵大廈2》第三個單元「城寨英雄GO！」昨晚播放下集，身陷謎團中的觀眾，終於明白遊戲世界入面幾位年青人努力過關，正正是在過程中反思人生道理。其中，任天堂（林子善／劉頌鵬飾）和任世嘉（韋家雄飾）父子在遊戲中相認，並合力打倒終極Big Boss，兩父子的關係得以修補；他們無論是相認還是道別，都搞喊唔少觀眾，人人都大叫感動。

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

金宵大廈2丨李君妍重演《城寨英雄》刁蘭角色 打女出身極大反差：好好玩【下一頁】

{{hket:inline-image name="LAM2.jpg"}}{{/hket:inline-image}}

{{hket:inline-image name="278130421_788273048800754_5074339177565591238_n.jpg"}}{{/hket:inline-image}}

{{hket:inline-image name="20201023-DSC01894.jpg"}}{{/hket:inline-image}}

林子善隨後在IG直播同大家傾劇情，剛完成內地拍攝工作的他已經回到家，他說：「原本想留低喺內地，因為香港好多工作都停晒，但真係太掛住個女同老婆，都係返香港一齊生活。由個女出世到而家都未離開過咁長時間。」他表示今次單元故事以遊戲為背景，帶出幾個問題與訊息：女仔係咪一定要結婚？小朋友讀書係咪一定要填鴨式咁樣讀？打機係咪一定錯？

他解構今次《金宵大廈2》有三個平行時空，其中陳山聰要演三個不同的人物，呈現三種性格，「舊時代有個傻佬，你以為佢係傻佬？但有好多訊息……知道佢係勁人，反而係佢拯救個醫生。角色身處現代，兩種性格都比較鮮明，真係好難演，係陳山聰先做到！」相信林子善口中三個平行時空，就是陳山聰分別扮演精神病人、Maurice同Joey；Joey亦即是小時候在牆壁寫字左右反轉的小男孩，加上昨晚劇情交代陳山聰憶起兒時經歷，令故事更耐人尋味。

林子善直認不是所有觀眾都明白劇情走向，「如果後生仔明白乜嘢叫平行時空，就會跟到整個故事嘅走向，如果係老人家，就未必睇得明咩叫平行時空，咁就可以當十個唔同單元故事去睇，一樣得！」

林子善認無工開靠太太撐住頭家 湊女幫老婆買M巾被讚真男人【下一頁】

林子善語重心腸稱《金宵大廈2》的「突破」，其實是經過重重難關，他說：「我唔係TVB經理人合約，唔係親生仔，唔需要同TVB擦鞋，我真係見到每個演員都好畀心機去演。上一輯《金宵大廈》拍攝時，都唔知觀眾反應係點，高層睇完會話『會唔會恐怖得濟』，但最終出嚟效果OK喎！其實好唔好大家唔知，真係唔可以用以前把尺去睇嘢！」他承認《金宵大廈2》比《金宵大廈》多添驚悚畫面和恐怖的氣氛，監製刻意不拍攝故事的延續篇，是希望將全新故事呈現給觀眾。

另外，《金宵大廈2》監製葉鎮輝（阿細）受訪時強調，《金宵2》單元故事主要想強調人與人之間的關係，並希望大家看過《城寨英雄GO！》後能更重視溝通：「最親未必最關心、最關心未必最了 解、可能關心反而會畀到對方壓力。呢個單元想講其實溝通同聆聽係最重要，阿爸就算好愛好關心個仔、但冇去聆聽同了解阿仔，阿仔都一樣。後來兩父子終於溝通到，阿爸終於知道阿仔願望喺個遊戲世界入面，因為無論現實世界幾廢、幾冇用都好，佢都可以喺遊戲 世界入面得到滿足感，搵到存在價值。希望大家都多些留意關心、多些與身邊人溝通、悲劇也許不會出現。」阿細又指因為標籤問題，楊洋、豪強、阿晴亦險些困在各自的難處中不能自拔，幸三人最終被天堂啟發從而變回積極正面：「如果世界冇咗戴有色眼鏡嘅人睇佢哋，可能佢哋未必有事。」

{{hket:inline-image name="7617e0b0-f03a-4901-9a35-281479999a37.jpg"}}{{/hket:inline-image}}

林子善最後補充︰「大家明唔明？電視台成日好怕觀眾投訴，家長會投訴恐怖、暴力咁樣，電視台就有壓力，發揮唔到最大創作力，就係因為怕咗啲投訴。TVB入面仲有好多勁嘅人才監製同導演，但真係有個框架框住佢哋，唔想被投訴，尺度就被壓制。我希望大家如果覺得我哋嘈，就開細聲啲電視，唔鍾意就暫時唔睇，但真係唔好投訴咁多，咁劇集題材方面就可以一路放寬。TVB入面嘅製作人好多都係後生仔女，『城寨英雄GO！』都係一班後生仔女寫，希望觀眾真係多多支持！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉