劇集《金宵大廈2》多個單元故事陸續播出，每個故事都圍繞著金宵大廈入面的住客，特別是最令人感到好奇的是大廈是否真的有「七樓半」呢？近日，劇中演員樊亦敏、何珀廉和張彥博都在社交平台分享拍攝時的場景，其中樊亦敏公開她在金宵大廈門牌前的照片，相中寫住「菲力士道42-46號」，不過去地圖搵，香港根本沒有這條街道。到底金宵大廈喺邊度？
同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握
金宵大廈2丨樊亦敏瘦足兩個碼負腳傷宣傳 自爆《姐姐》體重高峰瞓爛道具床【下一頁】
《金宵大廈2》監製葉鎮輝（阿細）接受《晴報》訪問時表示今次第二輯跟上輯一樣，同樣以尖沙咀香檳大廈作為故事背景的藍本，亦同樣不在該地方實境拍攝。第一輯大部分都是無綫錄影廠搭建，今次製作費提高，監製特別在亞洲電視的廠房搭建金宵大廈的商場場景。「今次想同上輯有啲分別，上次冇咁多鋪位，今次集中喺鋪位，商場搭得細緻啲，因為講緊平行時空嘛，不過今次平行時空係咪上一輯個平行時空呢？又未必嘅！」他解釋第一輯在電視城廠景搭出金宵大廈，但有所限制，場景分兩個搭建，有時候演員想走到轉彎位就要停，因為再拍就會穿崩走出佈景板，今次亞視就可搭出整個商場，感覺像迷宮一樣，「好多人問我商場係咪大咗，我話唔係，其實大細差不多，只係行位走位多咗。」
至於陳山聰和李施嬅在60年代精神病院出現的地方，阿細透露精神病院外圍細磚牆的部分是取景在美孚饒宗頤文化館，而病房內則是廠景搭設，「搵景希望畀觀眾多啲真實感，而饒宗頤文化館前身真係一個精神病院嚟嘅，所以搵到呢個地方，幸好佢哋肯借畀我哋。」至於金宵大廈的內部場景，今次特別到界限街一棟荒廢的唐樓拍攝，由於唐樓早已人去留空，所以沒有電力、沒有燈光和可沖廁所等，不過由於唐樓內部格局較為接近現實，特別是往後部分的單元牽涉的「劏房」，「幾個主景喺嗰度劏房咁劏出嚟，實景去拍攝，有統一番個場景氣氛。
至於《城寨英雄GO！》中，遊戲世界入面的果欄，人人都以為是無綫的古裝街，非也非也，根據演員透露，場景是在屯門碼頭附近搭建而成，今次絕對是重本製作。
金宵大廈2丨林子善親解劇中三個平行時空 認TVB劇難有突破因高層最怕...【下一頁】
張彥博在《金宵2》的花絮片中，化身主持身分帶觀眾到金宵大廈的場景參觀，今次搭建商場的場景一絲不苟，感覺真的如置身舊式商場一樣，而且地方之大實在有令觀眾非常驚訝。而觀眾最感好奇的是《金宵大廈》中看更阿蕭的看更位置，張彥博睇到都話相當有感觸，不過當他打開橙色的升降機門時，原來是全黑的街景，他笑言：「我每日都好想行入嚟呢度，點解呢？因為行得呢度出去就代表收工嘛！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉