《星閃閃》背後故事︳顏聯武爆當年錄音被李宗盛激喊 創作靈感來自患愛滋病聽眾 畢生難忘

顏聯武日前接受《音樂旅情》主持人楊紹鴻訪問，並於節目內獻唱多首歌曲，可是當要求他唱其舊作《星閃閃》時，他當場婉拒唱這首歌，皆因歌曲背後隱藏感人故事，創作靈感是來自他當年一位患愛滋病的聽眾，每次唱到此曲某一段時，情緒總會百般滋味湧上來，再加上當年錄歌同監製李宗盛有一段不愉快經歷，所以他才怕唱這首舊作品。

同場加映：潮什麼丨梁芷珮疫情下出遊拍攝感受良多  「冇人想見到全世界靜止晒」

{{hket:ul-video id="5602"}}{{/hket:ul-video}}

{{hket:inline-image name="04142001.jpg"}}{{/hket:inline-image}}

{{hket:inline-image name="1024_10eefcc2b7ec0930525a7990f0a16f29.jpg"}}{{/hket:inline-image}}

顏聯武憑其磁性動聽聲音主持電台節目，多年來俘虜不少聽眾耳朵，早年亦曾推出過唱片。問他有否想過再推出新專輯？他說：「無，其實有間唱片公司幫我做咗隻歌，但之後我無再繼續做。（浪費對方一番心意？）覺得做一樣嘢要有誠意，如果你無呢份專注或者誠意，即係我未去到嗰種情懷可以配合得到就唔好浪費，因為人哋需要時間、心血同金錢，你唔可以咁樣就算，同埋而家做唱片好困難。」

音樂旅情︳海俊傑學做戲搞到黃秋生擰晒頭 曾嫌太老唔想演何依婷爸爸【下一頁】

當要求唱出1996年專輯其中一首舊作《星閃閃》時，顏聯武卻有點抗拒，他表示：「我好怕唱呢隻歌，只係唱過一次Live，出嚟就係唔得，嗰次喺演藝學院做我嘅Mini Concert。呢首歌係有個故事，亦係我情緒嘅問題，唱到有個位我會有哽咽感覺，呢首歌係來自一個真實故事，故事主人翁嘅聲音…咁多年嚟都喺我耳裏面，所以我係驚嘅…。」

音樂旅情｜張偉文意外跌倒信命運但唔氣餒 「我嘅勇敢唔係製造出嚟」【下一頁】

顏聯武即場解開《星閃閃》背後謎團，指當年專輯是由滾石唱片公司製作，完成八成工作送去台灣時卻發生問題，「我係盡量去配合，『李大哥』李宗盛聽完之後就回咗一句『顏聯武無理由係咁唱歌』，係無理由、無可能咁唱歌，即係點呀？唱過囉，當時錄音室係對住維多利亞海港，我係望住落地玻璃、望住個海，係激氣到眼有淚光，因為點樣先唱到啱你個feel呢？我最記得有次唱嚟唱去，佢撳咪入嚟話『係嘞，就係呢一句，啱嘞』，但嗰句唱咗個半鐘頭，佢話啱、咁我就開心，但係佢無錄到，我真係好激氣，眼係有少少淚水。」他稱唱片公司後來找來包小松及包小柏兩兄弟接手，得對二人的鼓勵下，很快完成錄音工作。

（↓點擊放大睇圖片↓）

不過，《星閃閃》創作靈感原來是來自顏聯武的聽眾，是一個真人真事，他說：「有晚佢打去電台同我講，講講吓佢情緒爆、崩潰，剩係講『點解係我？』，就係因為佢患有Aids，我完節目後喺公司同佢傾咗兩個幾鐘，所以佢有好多嘢喺我腦海。記得同林夕傾呢隻歌時候，佢坐我對面聽我講呢個故事，睇住佢對眼閃住淚光，我係好鍾意歌詞『即是天不留住你，不等於生存無味，總可以逐月逐日逐夜逐秒珍惜身旁一切直到別離…』，呢幾句歌詞就講佢未夠21歲就被判咗死刑，而喺歌詞入面，我哋可以逐月逐日逐夜逐秒計算自己人生，所以話呢隻歌我唱唔到，希望日後有機會可以Live唱一次。」

此外，《音樂旅情》前幾集訪問過張偉文、盧海鵬、李龍基、葉振棠、敖嘉年、海俊傑、尹光、蘇姗、大AL（張武孝）及方麗盈等多位藝人，外界反應不錯，當中盧海鵬一集的點擊率逾20萬。最新消息這個網上頻道節目被港台睇中，將於明晚（24日）起逢星期日晚上8時半，在港台31台內播出，方便不習慣上網睇節目的觀眾。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】