林淑敏打化療針4度休克引後遺症 抗癌成功如第二人生：去盡啲更精彩

林淑敏近日接受車淑梅的電台節目《舊日的足跡》訪問，十多年前被確診患上乳癌，最終經歷過剃頭同治療後，終於康復，隨後更越來越受歡迎。她直言從不介意分享抗癌經歷，因患重病時，自己亦非常需要借鑑別人的經驗。她又認為這段患癌經歷，收到的祝福大於所承受的痛苦和災難，亦感恩自己在最孤單有《聖經》相伴，告訴她萬物皆有時，生老病死是一個秩序，自己不比這個世界大，為何不會經歷病痛和死亡？林淑敏坦言，有幸能活出第二次生命，如復活一樣。

同場加映：娛樂直擊| 梁子芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

愛回家丨林淑敏真素顏拍攝獲讚專業夠勇 擦鞋友奉承大話引發網友笑不停【下一頁】

{{hket:inline-image name="AM1.jpg"}}{{/hket:inline-image}}

{{hket:inline-image name="21_600.jpg"}}{{/hket:inline-image}}

她初入行時跑龍套、演市民、妓女、鬼等角色，對自己沒有信心。「睇番以前嘅演出真係得啖笑，如果呢個人都成功，真係對唔住香港觀眾！（當年）我只當演戲係一份工，有糧出就有生命力。大病過後，我坦然問過自己，既然TVB收留，之後嘅路要點行？我深入禱告，決定喺有生之年，仲有一口氣，要令自己嘅人生更精彩，去盡啲，起碼盡力先對得住自己。」

林淑敏憶述康復的過程並不簡單，更要向蘇玉華說一聲「我愛你！」因當年她與蘇玉華合演《On Call 36 小時 II》時，正處於完成化療針的階段，有腦霧症狀。當時林淑敏打4針都出現休克，有一次打針3分鐘後連面都變成黑色，需要醫生搶救。雖然醫生指身體會慢慢復原，但林淑敏等了六、七年，至今仍有些腦霧症狀，當年更會斷片，不知自己在說甚麼，甚至試過駕車回家時在路上兜了兩、三個小時。「記得一次，同蘇玉華拍劇時，之前大家有講有笑，點知一開機我就忘記晒所有本來熟讀嘅台詞，望住佢講唔出一句對白。當時我好尷尬，好難解釋發生咩事，我知自己發作，只係不停講對唔住。好彩佢好好人，係一位好好嘅演員。佢一定覺得呢個人點解唔做功課。我一直以來都冇同佢解釋過，所以好想同佢講一聲『我愛你， 蘇玉華！』」

愛回家丨大小姐神還原雪姨開箱直播獲讚 林淑敏：班編劇真係好貼近民生【下一頁】

2017 年，林淑敏加入《愛回家》大家庭飾演「大小姐」龍力蓮，她上網參考別人嗌交的片段。「其實嗌交本應慘不忍睹，但係又可以好好笑！當初我做大小姐依然有客串其他角色，冇諗過會影響大小姐嘅形象。 因為德高望重嘅大小姐唔可以突然間變咗師奶，為咗保持大小姐形象，我就再冇接其他角色。」

{{hket:inline-image name="SUK3_600.jpg"}}{{/hket:inline-image}}

九年前， 林淑敏結婚成為陳太。被問及在劇中大小姐和送水輝越做越合拍，丈夫Tommy可會吃醋？林淑敏笑言當然沒有，Tommy還會扮送水輝與她對劇本。林淑敏表示和飾演送水輝的許家傑私底下「好玩得」，對方像個小朋友，很傻氣，兩人私底下會打交、鬥氣、講笑。她笑稱有這個好拍檔，實在非常幸運。「許家傑同我老公相識，佢冇嚟過我屋企食飯，因為我屋企唔招呼人，但佢哋會約上網打機！我發覺同阿輝好有默契， 如果拍完《愛回家》，我哋可以做龍鳳胎又或者兩兄妹，就好似一家人。其實我哋嘅遭遇好相似，佢係香港先生，同樣試過工作上唔如意，我哋一齊喺公司捱出嚟。同期好多人，並非人人都有咁好機會，要珍惜，大家拍住上。我話『將來你成為最佳男主角，我要靠你去搵林淑敏做你阿媽或者家姐，哈哈！』好難得喺圈中搵到一位真摯嘅好拍擋，希望係一世！」

「天下無不散之筵席」，林淑敏曾擔心大小姐這個角色會有完結的一天，到時會否回到以前演路人的日子？會不會失去自己的價值？她曾為此苦惱過，幸好患重病的經歷，令她知道「本來無一物」的道理，為何要為擁有過的而感到失落？她認為倒不如現在咬緊牙關把事情做好。如果劇集真的有變動，可以選擇退休或者繼續演下去。不去想將來會否有更大成就，人就會開心很多。「我可以處於卑賤，又可以處於成功，最緊要過癮！我感恩主耶穌一直祝福及保守我，呢個角色邊個演都會好笑，我真係好幸運被選中。」

{{hket:inline-image name="230441935_2905869583062290_4212373832873335792_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉