【聲明】港生活網站並無進行電話推廣活動

《金宵2》扮私影妹零違和感 趙頌茹演淒慘單親媽媽獲激讚

發佈時間: 2022/04/20

趙頌茹(阿Yu)在無綫熱播劇《金宵大廈2》單元《仿客》中,飾演單親媽媽羅伊麗,與兒子張梓朗(熊倬樂飾)相依為命;為賺取生活費,阿Yu不但要做私影妹,又以性感打扮為議員拉票,前晚一集更慘遭包租公侵犯,認真可憐。阿Yu的演技獲劇迷認可,更獲監製激讚︰「無搵錯人。」

前晚《金宵大廈2》劇情講述阿Yu認識了區議員何懿星(陳國峰飾),經其鼓勵後重拾自信,正當阿Yu對前景充滿憧憬,卻慘遭包租公侵犯;此時神秘力量Mimi接近她的兒子,由於Mimi神出鬼沒,而且無所不知,令網民愈睇愈心寒。阿Yu的演技亮眼,造型更掀起網民熱烈討論,皆因阿Yu已年屆39歲兼育有兩名女兒,但劇中穿起cosplay及性感服裝卻零違和感,淡粧上陣的她更是保養得宜,臉上完全看不出歲月痕迹。

監製葉鎮輝(阿細)對阿Yu表現讚口不絕︰「佢好有心做,我最初唔識佢,但佢真係好專業,拍落都覺得無搵錯人。可能佢有小朋友嘅關係,所以同倬樂好夾,又演到媽咪嘅感覺,其他未結婚、未有小朋友嘅演員係畀唔到呢啲感覺。」阿細補充指,是他要求阿Yu素顏上陣︰「我唔想佢濃粧,因為咁先似媽咪,加上佢做私影時要化濃粧,要素顏先見到個分別。」

陳山聰戴假髮上陣

另外,陳山聰早前接受無綫娛樂新聞台專訪,透露劇中不少配飾及服裝都是私伙。監製阿細即笑指,當初與服裝指導研究了很久,才得出山聰的造型,「佢拍完《超能使者》後剷短晒個頭,我同形象指導當時諗到頭都大埋先諗到呢個造型,佢真係剷得太短,所以要用假髮,係用真髮做嘅假髮,市面上都買到。」

撰文︰倪小珊

美術︰梁政敏

《金宵2》扮私影妹零違和感 趙頌茹演淒慘單親媽媽獲激讚

阿Yu在劇中被包租公侵犯,傷心又害怕。

《金宵2》扮私影妹零違和感 趙頌茹演淒慘單親媽媽獲激讚

阿Yu以性感透視裝為區議員拉票。