毛舜筠猶豫應否帶媽媽打第四針 驗血驚見過萬抗體：未搵到答案

毛舜筠（毛姐）早前因政府實施的熔斷機制，遲遲未能回港，最終要在泰國繞道返港，非常不便。完成隔離之後終於回復自由的毛姐，所拍的影片幫到不少在外地準備返港的港人，亦有理有據質疑政府的政策無理，大獲網民正評。毛姐一出關，不忘親自為媽媽炮製蒸雞、叉燒和蒸魚等美食，讓母親大快朵頤。這位孝順女近日再次拍片，大呻猶豫著年邁的媽媽應否打第四針疫苗一事而感到困惑。

同場加映：梁芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

毛舜筠繞道泰國成功返港報平安 呻本地酒店檢疫安排不及曼谷【下一頁】

{{hket:inline-image name="mO2.jpg"}}{{/hket:inline-image}}

毛姐表示兩個星期前媽媽稱得悉可優先接種第四針疫苗，但心裡「不太平安」，「之前打頭三針，佢身邊朋友同屋企人全部都已經打晒，大部分都冇問題，佢放心先去打。但而家身邊個個都未打，咁佢就唔平安，問：『係咪真係要打呢？』佢叫我去問吓人！」

毛姐表示剛巧身邊有位患癌朋友完成化療後，醫生幫他驗COVID抗體，原來之前三針疫苗後抗體水平已經跌到好低，所以要盡快安排打第四針。毛姐說：「聽完佢講完就醒起，可以驗吓抗體數量先，高就唔使打住，低就盡快打啦！」隨後她帶媽媽到診所抽血驗抗體數量，結果大為驚人。

{{hket:inline-image name="mo3.jpg"}}{{/hket:inline-image}}

77年版《紅樓夢》｜毛舜筠自爆當年係佳視「肥黛玉」 憶蕭笙外景場地大開金口助入戲【下一頁】

毛姐說：「我唔知大家知唔知一個人正常抗體有幾多？如果我無理解錯，應該係50au/ml ，但係我聽人哋講，初初打完兩針，會一跌就跌好多，所以要打第三針Booster（加強劑），先可以去番90%水平。咁到底90%即係幾多呢？到而家我都未搵到答案！媽媽做完抽血抗體，數目係11000au/ml，係咪好高呀？如果正常係50au/ml，打完3個月仍然有呢個數字係咪好高呢？媽媽聽完個答案，就問咁高係咪唔使打針住。」

毛姐表示對於數量指標大感迷茫，於是咨詢醫生的意見，她說：「醫生答我理論上係，但實質上係咪呢？我就唔敢話畀你哋知，冇人敢肯定話畀媽媽聽，有11000au/ml就唔使打第四針。但好多人如果冇check去打第四針，會唔會影響心臟呢？媽媽已經好大年紀，心臟係咪負荷到呢？而而家正正係呢個年齡層可以優先去打喎！而家係媽媽嘅問題，但之後好快輪到我哋，可惜而家我仲未搵到答案。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉