唔敢同呂爵安鬥Fit 森美積極修身滿足太太

森美日前出席加密貨幣平台活動，他表示疫情稍為緩和，工作開始重回正軌︰「搵多咗就唔係，只不過多番啲嘢做；但都有啲患得患失，因為之前疫情日日都見到小朋友，晚晚一齊食飯再打機直落，多咗好多親子時間。」他表示疫情期間少了運動，被老婆投訴有「抗疫肥」，所以現時積極修身滿足太太︰「依家佢會話我好fit，但到目前為止都未肯掂我，可能仲未收貨，到佢肯篤我啲肌肉就OK喇。（以呂爵安身材做目標？）佢哋（MIRROR）個個咁fit，我唔敢同佢哋比，叫佢哋畀演唱會飛我仲好啦！」

另外，提到早前拍檔阮小儀於ViuTV節目《晚吹-有酒今晚吹》中大爆兩人曾經不和，森美大方回應︰「同小儀合作咗廿幾年，當年我哋捱咗十幾年，終於調去做黃金時段，但佢有一日突然話想調去做朝早節目，因為返夜晚搞到佢無得拍拖，由嗰刻開始我明白佢嘅意思，無迫佢太多。」