ViuTV的《CHILL CLUB推介榜 年度推介21/22》音樂頒獎禮昨晚圓滿落幕，頒發多個獎項，Anson Lo（盧瀚霆）連掃兩個大獎「年度男歌手」金獎，《Megahit》奪得「年度之歌」，鄭欣宜則獲得「年度女歌手」金獎，MIRROR奪得「年度組合」金獎、Dear Jane獲頒「年度樂隊」金獎等等。另外，許廷鏗上台演繹歌曲《修羅場》時，竟然有工作人員亂入，令他嬲嬲豬，完Show後在IG出Post表示「我真係有少少唔開心」。
同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」
Anson Lo以101,028票力壓「人氣王」姜濤，縱使二人互相祝賀，可惜卻惹來兩邊Fans互罵，瘋狂洗板指賽果有造假之嫌，而Anson Lo似乎沒受影響，完Showh後在IG限時動態出Post，原來媽媽「教母」對他說︰「知你每次做Show都一定全日唔會點食嘢，食碗烏冬當獎勵吓自己啦。」首先多謝媽媽為他煮宵夜充飢，及後再補充說：「感謝每一位一直守候著、支持著嘅你，早啲休息啦！夜啦，聽日繼續如常要努力工作！Goodnight！」完場接傳媒訪問時，提到有人質疑賽果，姜濤表示：「我想講，邊個攞獎我哋都應該開心，每個人攞獎都係值得開心嘅事，更何況係自己隊友，希望大家唔好諗太多。」
對於有指Fans掀罵戰，姜濤直言知道有此事，但強調不會影響他與Anson Lo的兄弟情，續說：「我唔會刻意叫Fans投我或者投MIRROR，大家投自己喜歡嘅就得，如果每年都係MIRROR或者我哋嘅個人單曲得獎，即係代表樂壇無進步，我唔需要每年都係我哋，我甚至希望以後每一年都有比我哋犀利嘅人出現。」Anson Lo亦開腔表示，無論發生任何事都不會影響隊友之間的感情。
JOOX年度推介榜︳大贏家MIRROR掃12獎 Anson Lo《Megahit》成全港JOOX樂迷最愛歌曲【下一頁】
在頒獎禮上，最令人驚喜的，必定是MC $oHo & KidNey演繹《Black Mirror》時，MIRROR 12子上台突襲向兩人「挑機」，齊唱「你咪焫焫焫焫焫焫焫焫焫焫焫焫著我」，掀起全晚高潮；而Lokman（楊樂文）、Anson Kong（江𤒹生）、陳凱詠（Jace）、Anson Lo和鄭欣宜先後出場獻唱快歌《虎道門》、《收聲多謝》、《Megahit》及《@princejoyce》，他們的壓台感，令觀眾、樂迷看得十分投入，如癡如醉。當然還有「6膠」呂爵安、岑珈其、魏浚笙、徐浩昌、黃正宜、劉沛蘅現身舞台獻唱《膠戰S2》節目主題曲《膠 on！》。
叱咤樂壇頒獎典禮丨鄭欣宜憶為唱歌不惜扮魔人布歐 爆喊與好姊妹林欣彤齊獲女歌手獎【下一頁】
不過，當許廷鏗唱《修羅場》時，卻聽到有幕後人員說話不慎被收音播出街，聽到對方說「Keep Going, keep going」、「成件事好正㗎」、「總知我同你講，成件事係Perfect㗎」。許廷鏗雖然得不到任何獎項，他上台表演時落力演出，卻落得美中不足的下場；難怪他事後直言有點不高興，在IG限時動態出Post留言：「睇番演出直播，容許我真係有少少唔開心，唔係想怪責，但係花心機時間綵排演出，就係希望盡善盡美，可以令觀眾視覺聽覺有享受；喺台下一路做觀眾嘅，我都真心覺得個Show好正，所以更加想做好自己嗰Part……好少去咁樣放負，呢個Story得24小時，畀我抒發一吓，我仍然相信大家在努力，為著令觀眾知道表演是一門專業的學問。好啦！冇咩事我繼續努力準備，出碟的事宜。」而張敬軒在IG出帖時，亦有Hashtag這位幕後人員的說話。
ERROR嫌新歌點擊率未達標 笑斥MIRROR出歌出得太密【下一頁】
此外，每位歌手、組合、樂隊都獲Fans在場舉牌支持打氣，其中ERROR成員阿Dee（何啟華）的燈牌老是常出現，因為「何啟華」屹立於最佳位置，加上燈牌較其他歌手的大，所以每個鏡頭都是「何啟華」，有網民留言：「今晚終極『大贏家』係何啟華，有ERROR嘅地方都會去投，今年你哋得咗嘞」、「ViuTV一哥，知你咩料啦」，阿Dee亦有在IG限時動態留言表示：「我已平安回家中，今日MVP令大家懷疑人生邊個『何啟華』？」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】