蓋鳴暉曾被誤會想名氣蓋過任劍輝 否認跪鳳凰女拜師：我係「男仔」

蓋鳴暉接受港台《一起走過》主持人楊紹鴻、寶珮如訪問，分享她為何喜歡做大戲，並親解傳聞曾跪求鳳凰女收自己為徒，及入戲行後被指藝名包含想蓋過前輩任劍輝的意思等。

{{hket:inline-image name="1024_81d206a0d00e80a6130c5b362684d530.jpg"}}{{/hket:inline-image}}

{{hket:inline-image name="04251002.jpg"}}{{/hket:inline-image}}

同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

蓋鳴暉兒時同家人住新界區，經常跟隨母親去戲棚睇粵劇，從此便想成為一個粵劇演員，「媽媽好鍾意睇大戲，小時候會陪佢去睇，睇完之後就好開心，問自己有無機會成為一個粵劇演員……睇得最多就係麥炳榮同鳳凰女，每次佢哋嚟一定爆晒棚，好深刻係令到我好想做演員，佢哋又唱得好聽。嗰時讀緊小學，好難發生夢境成真嘅事，一路喺度等機會，咁啱80年初睇到一段報紙招生，就係八和學院第二期招募學生，於是膽粗粗同同學仔去玩，一齊坐車出去旺角報名。」

一起走過︳王俊棠憶初拍劇勁NG被前輩怒睥 魯振順𢲷撈想加入《愛回家》【下一頁】

蓋鳴暉視大老棺鳳凰女為偶像，傳聞曾跪求對方收自己為徒，她說：「無，記得當年做完新秀匯演之後，身邊有好多伯樂同女姐做嘢，後來女姐叫咗我哋上去屋企，好開心去大老倌屋企食餐飯，傾偈時佢問我哋有無諗清楚先入行，因為當時80年代係睇唔到前景，話明呢條路唔係容易行，要犧牲好多、要花好多時間，當然金錢同伯樂都好需要，佢仲話演員所有生財工具都係自己。嗰時做一件書生戲服要幾千蚊，繡龍袍、大袍大甲嗰啲可能接近一萬，普遍人工都係一千幾百，而粵劇界嘅人工比率，唔可以同電視、電影睇齊，所以大家係好艱苦，除非你係好紅，大老倌出嚟可以嗌價，當你未紅時人工好低。佢就鼓勵我哋係咪有決心先，當興趣班就無所謂，真真正正入行就要想清楚，呢個前景係話唔到畀你聽有無前途，就算你學晒所有嘢，遇唔到機會都可能喺度浮浮沉沉。（無叫女姐收為徒弟？）無，因為我係『男仔』，我係學做小生，自己又唔夠膽問，覺得佢當時唔主張我哋入行，我哋學生就要讀書先，讀完書先決定前景。」

一起走過︳張美璉為兩個女退出幕前搞生意 老公宋豪輝係王菲首齣電影導演【下一頁】

提到後來得到劉金耀伉儷出資協助成立劇團，劇團同藝名是從何而來？蓋鳴暉表示：「『鳴芝聲』係（玄學家）林國雄起，因為做藝人同唱歌係靠把口搵食，『鳴』字有雀仔就有聲有氣，其實係響亮嘅意思。而我個藝名，因為蓋唔係廣東姓氏，係外省姓氏，北京有位前輩叫蓋叫天，大家希望我好似佢咁威武，於是就用咗蓋字，鳴就用番劇團名、有相連，暉就唔用輝，暉有日出意思，希望我有前景，就係咁簡單。（曾傳藝名意思是想出名過任劍輝？）其實我覺得幾無奈，一個新人出道……呢個傳言幾奇妙，我都聲明咗呢個名稱係一個相士改嘅，梗係測晒我啲八字，問題就係嘴巴在人臉上，我係控制唔到，惟有就係自己做好自己，所以我出道就有咁多枝節……亦都覺得感恩喎，因為平路好難去突破，係崎嶇先得，當我經過好多崎嶇經歷之後，先會珍惜同有新創作，會令到自己更加強。」

（↓點擊放大睇圖片↓）

至於初出道時多演任白戲寶，難免會同任姐徒弟龍劍笙作比較，當年有否受到更多傷害？蓋鳴暉說：「太複雜嘞，當時係無諗呢樣嘢，任姐係我哋前輩，我係唔識佢，喺電視機識佢，『雛鳳鳴』刨姐（龍劍笙）、嗲姐（梅雪詩）都係我嘅偶像，我出道時係睇『雛鳳鳴』同師傅聲哥（林家聲）嘅『頌新聲』，係睇呢兩家戲，最鍾意睇呢幾位老倌嘅風格。我慶幸能夠做到《帝女花》、《紫釵記》，簡直係一種榮幸，新人時係夢寐以求做呢啲戲寶，可以學到佢哋嘅形象，總之有機會畀我踏上舞台就得，我哋初心係想做一個舞台演員，無諗其他太複雜嘅嘢，唔去理太多攻擊，無法子去駕馭同阻止，只有默默耕耘。（願意向難度挑戰？）出道時唔知點解招惹不明來歷是非，惟有做好自己，唔理所有人嘅抨擊，我做得啱又無傷害其他人，唔會因為少少聲音影響就驚。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】