鄭欣宜默認戀花店老闆舊愛

鄭欣宜前晚獲頒「年度女歌手」金獎，只見她減肥成績不俗，她坦言為了六月的紅館個唱而keep fit，「唔係肥瘦問題，而係練體能。除咗管理飲食，我做好多做運動、打泰拳、請私人教練健身。」她指四年前開紅館處女騷前不慎跌斷腳，所以今次不容有失：「我唔會再容許因為身體狀況而阻礙我發揮到最好，到時我要炸爆舞台，跳到甩肺！」

早前欣宜被指翻撻花店老闆舊愛Derek，問她是否為愛減肥？她笑說：「唔會，減肥係為咗着靚衫。」談到戀情，她只大賣關子：「我繼續透過音樂分享秘密，大家想知就聽我嘅音樂，睇我嘅演唱會。（男友到時睇騷？）大家留意喇！」問到新歡是否Derek，她則甜笑說：「我超鍾意花！」