《金宵大廈2》的「吃播」單元故事播元，劇情講述兼任吃播的外送員阿甘（丁子朗飾），不惜一切甚至「自製真相」，誓要揭開「Lost & Found」背後陰謀，令自己及身邊人包括好友貴祥（白彪）、戰友彈彈珠（阮兒飾）及女友Suki（伍樂怡飾）陷入險境；昨晚結局阿甘被Suki侷暈然後出現在「Lost & Found」的第二季預告之中，是否代表阿甘成為「邪惡犯罪集團」另一犧牲者？
同場加映：保錡@ERROR自認唔夠靚仔推新歌自嘲 搞笑背後：花盡氣力做個合格的人
金宵大廈2丨丁子朗單元故事參考韓國N號房事件？ 曾在酒店遇靈異事件嚇怕同房好友【下一頁】
劇情內容最終為Open End，沒有清楚交代貴祥失蹤與Suki變節原因，連阿甘是生是死仍是個謎。聰明的網友看穿現實生活中遊戲公司MIA，跟金宵大廈七樓半平行時空的邪惡犯罪組識MIA同名，是否代表有一股力量正在控制兩邊MIA的能力？
現實生活中，阿甘追求「真相」不果，彈彈珠一句主題對白「喺網絡世界咩都有，就係冇真相，你只係會睇到你想睇到嘅嘢，同埋你相信嘅嘢」引發網民共鳴。加上黑白平行時空中，大界（謝東閔飾）強迫Joey（陳山聰飾）進行洗腦療程，阻止Joey發掘真相，大界說：「MIA教識我，天職唔係揭露真相，而係控制真相同製造真相。」Joey怒斥大界為犯罪者掩飾罪行，大界說：「我希望世界更美好，等啲人過得更開心。」
另一重要角色男精神病人（陳山聰分飾）身處1960年代，同樣面對類似「洗腦」酷刑，網民對精神男病人的真身議論紛紛，監製葉鎮輝受訪時繼續強調要留意細節，「男精神病人嘅身分，去到今晚第十七集應該呼之欲出，觀眾可以細心留意男病人拎住啲乜嘢。」
丁子朗自爆因女友愛呷醋致分手 堅稱與林宣妤關係：好好嘅朋友【下一頁】
網友們在昨晚劇集播畢之後，一頭黑人問號，「丁子朗最後畀人捉咗去，即係點」、「最後丁子朗變咗遊戲嘅角色，係咪佢女朋友就取代彈彈珠幫MIA做策劃」、「原時空係MIA遊戲公司，平行時空係MIA保險公司，最後大佬好可能係MIA」、「希望『吃播』個結局係為齣劇埋下伏筆，唔係真係睇到一頭霧水」等等。丁子朗為安撫網友們不安，特別於IG直播回應大家的提問，他說︰「啲人問貴祥喺邊，到最後都係冇消息嘅！結局冇拍得好清楚，到底我被捉係唔係真相事實？留畀大家去諗。如果信阿甘想法，認為MIA係真實存在，Suki係冇去到台灣，身上瘀痕係因為被捉走洗腦……之後返嚟阻止阿甘去查落去。如果唔信阿甘亦唔信MIA想法，的確係一個醉酒貨車司機，車死咗彈彈珠，我都幾乎被車死！」
丁子朗續說：「坦白講，我做呢個角色都好緊張，睇劇本都睇三次先明白，呢個故事完全冇鬼怪靈異嘢，係真人真事改編。」丁子朗表示該故事參考2年前網紅Kate Yup吃播事件，有網友認為Kate Yup身上有瘀傷，同時在鏡頭前敲碗，是以摩斯密碼求救的動作，後來Kate Yup拍片澄清否認遇害，但網友都不太相信，更有人認為Kate Yup已經離世。丁子朗說：「暗網入面除咗好多軍火同毒品買賣外，亦有好多人口販賣，情況好嚴重，每年過萬少女被捉，賣去金三角地方，背後亦有一個機構去強迫佢哋做吃貨……」
最後，網民追問丁子朗「阿甘仲會唔會出現？」他口快快稱會再出現，更大爆彩蛋，錯口露口風阿甘在上集，被棄單的客戶正是趙希洛飾演的律師，「佢係做律師……搞到棄單而發生呢啲事，佢喺邊個時空環境打畀我呢？觀眾可以睇落去！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉