新冠肺炎疫情下，市民未能外遊，不少人轉為到酒店Staycation（「宅度假」）。一名5星級酒店前員工發文訴說，形容本地客人「難服侍」，迫使不少酒店從業員辭職，甚至因小事遭投訴而被解僱，並力數7大劣客行為，希望大家住酒店時能將心比己、多考慮職員的感受。
同場加映：
管家王丨良心店推$788七日隔離餐 難忘孝順子女越洋為父母訂餐
暖心醫護 ︳坐郵輪兒子不慎跌倒受傷縫4針，醫護一個舉動港媽大讚貼心，詳情即睇：【下一頁】
一名男網民本周一（25日）在Facebook群組「Staycation HK Hotel - 留港宅度假 本地酒店住宿優惠」中發帖，表示自己本身任職一間5星級酒店，早前卻被解僱。他指自己不是個別例子，形容本地客人「難做、難服侍」，令許多酒店從業員辭職甚至被解僱，導致人手不足、難以應付客人需求，
「試想一下一間5星級嘅酒店都遇到呢個問題，因為客人無理取鬧嘅投訴，而導致員工被迫簽Warning letter（警告信），甚至畀人炒。」
事主呼籲市民去Staycation時，不要為了「拎著數」而為小事投訴，並細數7大酒店客人惡劣行為：
↓ 點 擊 圖 片 放 大 ↓
- {{hket:inline-image name="CON45y754h.jpg"}}{{/hket:inline-image}}
- {{hket:inline-image name="C3.jpg"}}{{/hket:inline-image}}
- {{hket:inline-image name="CO24.jpg"}}{{/hket:inline-image}}
- {{hket:inline-image name="CO54y.jpg"}}{{/hket:inline-image}}
- {{hket:inline-image name="CO547.jpg"}}{{/hket:inline-image}}
- {{hket:inline-image name="CON3r.jpg"}}{{/hket:inline-image}}
- {{hket:inline-image name="CONwer.jpg"}}{{/hket:inline-image}}
- {{hket:inline-image name="CONwet4.jpg"}}{{/hket:inline-image}}
1. 要求加熱食物卻不願付煮食費
事主批評有客人攜帶外來食物到酒店，要求職員幫忙加熱，卻不捨得付煮食費，事後又要投訴。
2. 多人要求同一時間送蛋糕
他指不少住客自備蛋糕，要求職員在特定時間、尤其是零時零分送至房間，令員工分身不暇，
「好多酒店住客要求同一時間零時零分要送，試想一下通宵更嘅同事會有幾多人返工？一間好啲酒店入住率坐底都有150間房，咁多人生日點樣送呢？」
3. 房內用餐投訴食物質素差
事主認為在客房用餐，食物始終不是「新鮮滾熱辣辣」，質素不會很高，卻有住客投訴食物「唔合格」。
4. 要求員工送外賣、幫手善後
他指新冠肺炎疫情下，許多住客會叫外賣並在房內用餐，卻不會自行到酒店大堂取餐，而是要求大堂員工送上房，餐後亦不會自行收拾，而是要求房務部職員入房清理食物殘渣。
5. 要求職員幫忙卻不付貼士
事主指要求酒店從業員幫忙並無問題，但大部分住客都不會付貼士，
「從來有冇諗過房務部嘅同事人工已經夠低，之前有外國旅客嚟到至少都會放低貼士，等我哋嘅同事都做得開心啲，而且真係幫補到唔少，貼士都係當人工。」
6. 「打卡」後投訴食物變涼
事主呼籲住客當食物送至房間時應馬上進食，「而唔係放喺度影完相，就再投訴話啲食物凍晒，咁樣合唔合理呢？」
7. 投訴登記入住時間長
他指不少酒店都會推出入住套餐，會包多頓膳食，認為價錢合理，入住率自然高，卻有住客投訴登記入住時間太長，「Check-in、check-out嘅時間大家都一樣，咁排隊等Check-in又有啲咩問題呢？唔好因為條排隊龍長啲，就要投訴。」
事主希望透過在社交群組發帖，呼籲大家日後住酒店時「手下留情」，多考慮員工的感受，
「唔係淨係得你哋想享受，我哋做酒店都好想你哋明白。你哋嘅報復式消費，只會令我哋更加辛苦。一個畀5星級酒店炒咗嘅前線員工上。」
網民：辛苦晒酒店員工
不少網民看到帖文後，均對事主和其他酒店職員的處境深表同情，紛紛留言為他們打氣：「希望早日找到工作，願客人體諒你們的辛酸」、「香港係投訴之都，畀少少錢就大晒，又要𢯎呢樣嗰樣」、「好明白樓主心情，之前我都做過Housekeeping（房務）同Waitress（侍應），其實有好多嘢係啲客睇唔到，有苦自己知，有好多時唔係唔想做，係做唔切，希望大家會體諒吓酒店從業員嘅辛苦」、「辛苦晒酒店員工，希望更多客人可以互相體諒尊重」。
Staycation必睇︳前員工揭秘酒店房4大污糟黑點，提醒自備1樣物品入住更安心︳附6大應對清潔法，詳情即睇：【下一頁】
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
每朝索取《晴報》：精明生活．健康家庭．開心娛樂
撰文：蘇麗儀