《聲夢傳奇2》入圍名單明日公布 Aster有份參加遴選有望「復活」？

無綫歌唱選秀節目《聲夢傳奇》在去年播出，當中15位學員都各有發展，當中獲三料冠軍的炎明熹（Gigi）除了推出個人單曲外，現在更正參加TVB與芒果台合辦的大型綜藝節目《聲生不息》，人氣急升。經過接近一年籌備以及多重遴選，《聲夢傳奇2》製作組從超過一千名本地及海外的參賽者中，挑選了各具所長的 23 名學員，年紀最小一位只有13歲。而明日TVB亦將舉行記者會，宣布入圍名單。

{{hket:inline-image name="st_600.png"}}{{/hket:inline-image}}

同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

《聲夢傳奇 2》大會主題為「我超越我」，上一季擔任主持嘅森美，今季將會繼續擔任 ，佢形容呢班參加者「鬼五馬六」，佢解釋意思係指有各式各樣嘅參加者，各有各特色。森美又言除咗評核歌唱同表演技巧外，人品性格都係考核嘅一環。「篩選當中唔係淨係考音樂咁簡單，仲要考待人接物啦…而家參加比賽比起以前門檻越來越高。」

{{hket:inline-image name="sing3.png"}}{{/hket:inline-image}}

《聲夢 2》遴選評判除有了無綫高層曾志偉及樂易玲，還有李幸倪、郭偉亮、陳奐仁、Johnny Yim、舒文、伍仲衡、著名排舞師 Sunny Wong 及著名美術指導馬光榮等。為了讓聲夢迷先睹為快參賽者水準，無綫娛樂新聞台昨晚播出部分遴選片段；片段所見，今季不但吸引唱得及跳得之人，不少人更自備樂器自彈自唱施展渾身解數，其中一名參賽者更輕鬆地以小提琴拉奏出《月半小夜曲》，功架十足。除了表演，參賽者還要入錄音室錄歌試真章，考驗全面。

而23位參賽者之中，有4位是之前曾參加《聲夢Junior》的優勝者，分別是Crystal（梁善知）、Caitlin（楊秉頤）、Charlotte（繆昀希）及 Kiele（鄧曉殷），四人都可以直入《聲夢傳奇2》比賽。

{{hket:inline-image name="sing6.png"}}{{/hket:inline-image}}

聲夢JUNIOR丨四位優勝者獲選直入《聲夢傳奇2》最細只有12歲 大熱Aster被淘汰觀眾嗌失望【下一頁】

而評審之一嘅郭偉亮（Eric）由頭到尾睇住Junior一班小朋友參賽，就直言落選嘅參加者當中，仲有唔少非常有潛質。「畀我揀起碼有十個可以入啦！例如 Elsa（劉芷晴），佢唱得好好，見到佢次次入唔到都喊得咁犀利，我都覺得好慘。仲有 Vici（莊殷玥），佢最尾同Kiele 其實係叮噹馬頭同分攞第四，我覺得佢好應該入《聲夢 2》，佢性格其實幾啱做呢一行。最可惜係Aster，佢有晒樣有晒身型，表演欲又好強。有潛質嘅唔止4個！」
而大會經過考量後，最後決定畀《聲夢Junior》參賽者再度參加《聲夢傳奇2》嘅海選。森美強調遴選機制一樣公平，「佢哋係同海選嘅朋友用同一個機制入嚟。」從TVB娛樂新聞台發放嘅影片中可見，Elsa、Jasmine、Vici、Aster及Nicole等都有參加遴選。當中Aster拿出看家本領勁歌熱舞獻唱《Prince Joyce》；Vici轉曲風捨棄擅長抒情歌改唱跳舞快歌《River》；Jasmine（冼奕瑜）拿著 Ukulele 自彈自唱《Sophia》；Nicole（張嘉悅）跳唱《未知》； Elsa獻唱《Rolling In The Deep》。未知她們能否入圍《聲夢2》呢？入圍名單將於明天記者會中公布。

《聲夢傳奇》一周年｜炎明熹Gigi黃奕斌Hugo獲力捧北上發展 15位《聲夢》學員近況逐個捉【下一頁】