MakerVille丨杜琪峯監製電影Lokman做男一 笑MIRROR通街都係：幾討厭㗎！

ViuTV早前出現人事變動，ViuTV董事兼總經理的魯庭暉將出任電訊盈科媒體集團旗下新公司MakerVille的行政總裁，今日，MakerVille在九展舉行發布會，除了魯庭暉外，杜琪峯、游乃海、鄭保瑞、袁劍偉、馮志強亦有出席，至於藝人方面就大曬冷，包括MIRROR、ERROR、P1X3L、COLLAR等，司儀則有強尼、陳安立、沈殷怡、陳俞希和駱振偉。

{{hket:facebook-video id="685901812658250"}}{{/hket:facebook-video}}

{{hket:inline-image name="mv10.JPG"}}{{/hket:inline-image}}

{{hket:inline-image name="mv9.JPG"}}{{/hket:inline-image}}

{{hket:inline-image name="mv8.JPG"}}{{/hket:inline-image}}

{{hket:inline-image name="to.JPG"}}{{/hket:inline-image}}

活動中，播出首部電影《命案》的宣傳片，該片由杜琪峯、游乃海、朱淑儀監製、鄭保瑞執導、林家棟、楊樂文、吳庭燁等主演，MakerVille安排谷德昭即場訪問杜琪峯、游乃海、朱淑儀和鄭保瑞，期間提到現時香港出現一班幕前人，問到杜琪峯是否熟識MIRROR？去年在ViuTV 5周年台慶曾大讚MIRROR，但又將MIRROR讀錯成「MILLER」的杜琪峯回谷德昭：「又嚟？好似多咗啲，成日提佢哋，多唔多得滯呀？」谷德昭表示現時還有ERROR和COLLAR，杜琪峯續說：「嗰啲好啲，MIRROR嗰啲已經通街都係，我都避唔到，幾討厭㗎！」谷德昭笑謂應該不少人問他有沒有MIRROR演唱會門票，杜琪峯說：「係呀！」在旁的鄭保瑞即說：「問緊喇，噚日電話已經響喇！」琪峯指：「唔好問佢喇，問吓COLLAR，咩AR嗰啲啦，嗰啲我知係新，呢個時代又要轉一轉，又係嗰堆，嚟緊喇！我哋以前喺電視台做訓練班，出年就新人，出年就新人，不過而家死晒之嘛！」谷德昭指不擔心，因為會有補給，杜琪峯頓時彈起即說：「嘩，呢句要丙丙你喎，好Top係邊個呀 ?講嚟聽吓！肥仔，你瘦咗之後醒咗喎！」

同場加映：保錡@ERROR自認唔夠靚仔推新歌自嘲 搞笑背後：花盡氣力做個合格的人

{{hket:ul-video id="5655"}}{{/hket:ul-video}}

出道第4年︳MIRROR首踏紅館誓掀撲飛潮 隊友整蠱畏高姜濤AK被迫再坐飛船【下一頁】

MIRROR在會上演繹新團歌《Innerspace》，勁歌熱舞，看得「鏡粉」十分投入。對於將於5月正式成立官方歌迷會，如成為MIRROR官方歌迷會會員可獲得會員專屬的迎新禮盒，亦可訂購演唱會、粉絲見面會和會員專屬商品的機會。提到成軍3年才成立歌迷會，隊長Lokman說：「我代表MIRROR上上下下同大家講聲唔好意思，係遲咗少少，因為我知道大家對呢個Fans Club有期望，唔想令大家失望，所以計劃要周詳啲，做多少少，同公司傾吓點樣執行先畀一個好嘅大家，喺度講一聲唔好意思同埋多謝大家嘅支持， Thank You。」副隊長Anson Kong則說：「知道大家都好期待，等咗好耐，因為成立一個官方嘅12人Fans Club，係要管理晒12子嘅Fans，係一件好難嘅事，所以我哋都相當之期待。」Lokman續說：「希望呢個Fans Club可以拉近我哋MIRROR同支持我哋朋友嘅距離，一齊邁向One and All。」在活動尾聲，ERROR和P1X3L跪在最前排，ERROR成員阿Dee（何啟華）見到杜琪峯，立即醒目打招呼，杜琪峯亦禮貌地跟他握手。

ERROR嫌新歌點擊率未達標 笑斥MIRROR出歌出得太密【下一頁】

{{hket:inline-image name="50.JPG"}}{{/hket:inline-image}}

{{hket:inline-image name="32.JPG"}}{{/hket:inline-image}}

{{hket:inline-image name="mv6.JPG"}}{{/hket:inline-image}}

事後接受訪問，對於MIRROR將於5月成立官方Fans Club，Lokman表示其實未成立，仍在處理中，但很快會有新消息。他又指演唱會售票資訊可在網上看到，他說：「大個仔，要正式成立官方Fans Club，先有體面！」12子本來各有Fans Club，被問到會否好亂，Anson Kong表示會交由新公司處理，「始終有12個人，各自都有Fans Club，係有啲難。」怕有制肘？他續說：「唔會，好自由。」Lokman指各自會跟會長溝通，會幫手磨合，大家會溝通。

{{hket:inline-image name="MIRROR.JPG"}}{{/hket:inline-image}}

提到7月舉行的10場紅館演唱會，眾成員都表示收到「恐怖」電話，Anson Kong說：「阿媽話每場5張，我問佢要去邊度變畀你？」 Lokman指：「最恐怖係朋友搭朋友嘅親戚，同埋情感攻擊。」Anson Lo就笑指：「有個舅父想要50幾張，全部都係答盡力啦！」Lokman再表示：「加場未有消息，如果反應好都有機會嘅，都係想多啲朋友睇到。」並一再呼籲大家千萬不要買黃牛！

採訪：黃寶蓮
撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】