梅啟明報警稱被迫遷大廳被清空 梅媽孫仔：老人家意思係各散東西

梅啟明在今年2月中遭梅媽覃美金登報脫離母子關係之後，現任太太大爆他包二奶和不斷向母親索求金錢，隨後梅啟明向家人認錯道歉，更承諾會照顧好媽媽。不過近日梅啟明向無綫娛樂新聞台報料，突然自稱被迫遷，並報警處理。在《無綫娛樂新聞報道》的影片中所見，有多名警察現身其住所，大廳物品大部分被清空。

同場加映：保錡@ERROR自認唔夠靚仔推新歌自嘲 搞笑背後：花盡氣力做個合格的人

{{hket:ul-video id="5655"}}{{/hket:ul-video}}

老婆Joey爆料︳梅啟明稱梅艷芳附身泰籍情婦 踢走梅媽看護安插自己人掠水【下一頁】

{{hket:inline-image name="MUI2.jpg"}}{{/hket:inline-image}}

梅啟明接受訪問時自稱被迫遷，他說：「下午媽媽打畀我，突然話間屋要交番畀人，我覺得好奇怪，點解突然交間屋畀人？佢話佢要搬去第二度但就唔知搬去邊。管理處話我屋企有紙皮盒，後來發現工人將紙皮盒放咗入房，但大廳啲嘢就冇晒，媽媽佢唔知啲嘢被人搬去邊，因為佢係聖保祿醫院留醫，叫我有咩就報警，佢同我講話唔想搬，都唔知搬佢啲嘢去邊。」梅啟明鐵口認為媽媽被擺佈，根本不想搬走，他說：「老人家被擺佈，佢搬去邊我咪搬去邊，不嬲都係，連屋都係我幫佢搵！佢只係受人擺佈。」

梅啟明突然又轉話題，指不少屬於妹妹梅艷芳的紀念品不翼而飛，他說：「另外喺個館（紀念館）度，有好多紀念品同私人物品，放阿梅啲嘢，我之前製造好多阿梅嘅嘢，例如紀念表、紀念冊、好多瓷器等等。」

梅艷芳母登報與梅啟明斷絕關係 「此後一切華洋轇轕均與本人無關」【下一頁】

而原來採訪隊到場時，梅媽的孫仔都一直在現場，但由於性格低調，他決定不露面接受訪問。對於梅啟明想探望梅媽而遭拒，孫仔表示：「因為疫情醫院有特別安排，探病有名額，其中一個係長期照顧老人家嘅工人姐姐，另一個每日照料佢嘅私人看護，有段時間連我都見唔到佢，唔係剩係針對佢一個人。後來老人家想見我，老人家反映之後，醫院放寬啲先畀我上去！（覺得困擾？）好煩，老人家都覺得好煩，老人家意思已經話係各散東西，我有我自己搵地方住，老人家暫時會留醫院，佢已經交帶事情交我去安排，搵地方搬。」他表示梅媽需要休養，不想被煩擾，待出院之後，他們會交由老人家決定跟梅啟明或跟孫仔住。

{{hket:inline-image name="800_9787e5038d8fa8128611c439863589fa.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉