雙生陌生人︳馬德鐘一人分飾兩角靠幕後替身 欣賞對方唔計較 呢位男藝人係…

由「馬神」馬德鐘、陳煒、湯洛雯、何廣沛及蔣家旻等合演的劇集《雙生陌生人》，於今晚（5月2日）在翡翠台首播。此劇賣點是馬德鐘一人分飾兩角，大玩交換身分的搞笑情節，預告片段見到兩個馬德鐘同框，特技效果感覺不俗；原來是安排替身同場拍攝，之後再用電腦合成畫面。

同場加映：食腦喪B丨方紹聰暫別精神病角色初嘗男配角 感激家人無限量支持：姐姐以我為榮

{{hket:ul-video id="5674"}}{{/hket:ul-video}}

馬德鐘日前在劇集花絮片段中，揭露其替身就是《盛舞者》參賽者之一的袁鎮業，力讚他無計較，不介意未有露面，封對方為這齣劇集的無名英雄。

{{hket:inline-image name="04291002.jpg"}}{{/hket:inline-image}}

{{hket:inline-image name="04291001.jpg"}}{{/hket:inline-image}}

馬德鐘在新劇《雙生陌生人》內分飾兩個角色，一個是律師的高收成，另一個是平凡人巫祺男，由於前度俞風（湯洛雯飾）在網上徵聘與自己外形相似男人作短期男伴，高收成於是找上巫祺男，私下協議交換身分兩周時間，以巫祺男身分充當俞風短期「愛的替身」，期間爆發不少事端。由於兩個角色有同場戲份，袁鎮業就做替身，後期製作時再用特效加上馬德鐘表情，後者在花絮片段大讚對方，「袁鎮業當然要讚賞吓佢，佢嘅演出可以話係無名英雄，觀眾未必見到佢，佢又好唔介意亦唔去計算，個人無乜所謂，好投入去演呢個角色，呢個年青人應該要有多啲機會，希望大家關注佢多啲！」

{{hket:inline-image name="YUS_1988.JPG"}}{{/hket:inline-image}}

{{hket:inline-image name="YUS_5688.JPG"}}{{/hket:inline-image}}

髮型屋關閉︳馬德鐘搵老婆剪髮冧唱《勇氣》 馬太好淡定 網友：點忍笑？【下一頁】

《晴報》這日聯絡上袁鎮業，對於馬德鐘的讚賞，他表示：「Joe哥（馬德鐘英文名）好好，拍完齣劇，喺導演、監製及記者面前讚我，呢個係一個Bonus，大家都係互相尊重同欣賞，真係好感恩。（點解會做Joe哥替身？）去年邀請咗監製同導演睇我嘅舞台劇（《戀上12星座》），希望佢哋更加了解我。咁啱佢哋開呢齣劇，要幫Joe哥搵個替身，但呢次同以往替身工作好唔同，係要演兩個角色嘅戲，有唔同性格唔同形態，變相要做好多功課，工作量多咗，好大考驗。當然亦覺得搵我做呢件事係一種欣賞、信任，我同Joe哥嘅外形同感覺係似嘅，而今次涉及好多CG技術，拍攝之前要做技術測試，點樣做到呢兩個人係同一個人呢？試過用綠布笠頭，睇吓Key出嚟效果似唔似，好唔好睇；又試過好似荷李活製作咁，喺面上用橙點做記號，之後再用電腦技術『換樣』，真係一次好有得著嘅經驗。」

《盛舞者》險被Out｜《愛回家》袁鎮業哭訴入行辛酸 曾反感做替身：唔係鍾意做嘅嘢【下一頁】

至於正式拍攝時要面對的問題？袁鎮業話：「因為要去模仿Joe哥，唔可以出入太大，因為會影響到佢想呈現嘅嘢，要問Joe哥有咩小動作，我哋要交流，唔能夠有袁鎮業一啲個人諗法，而係要完全Copy Joe哥嘅諗法，每日返工拍攝絕對係一場考試！嗰段時間嘅演技同轉數快咗好多。若果自己對演戲冇熱誠係會幾辛苦，純粹當係替身工作去做嘅話，未必應付到壓力同突發情況。我應承去做就係想演技上有進步，Joe哥真係一個頂級前輩，從佢身上學到好多嘢，佢有教我點樣處理角色，我成個過程係抱住學習心態，係好好磨練嘅機會。（難忘事仲有？）第一日拍攝已經好難忘，因為未摸熟環境，平時3紙頁一場戲都係拍3個鐘，嗰次就拍咗12個鐘；大家係快樂不知時日過，我哋好Enjoy成件事嘅過程，好專注去拍攝，之後搵到磨合點到越拍越快，得心應手。」

（↓點擊放大睇圖片↓）

追問今次酬勞是否加倍？袁鎮業說：「酬勞同平時做TVB替身一樣，有做嗰集就計人工。（冇得錫湯洛雯？）錫女主角嘅場口都係Joe哥單獨拍嘅，我冇得錫好正常，不過同湯洛雯就熟絡咗，之後拍《隱門》同佢做情侶，已經打好咗關係。」

袁鎮業指拍攝《雙生陌生人》時正參加《盛舞者》比賽，過程中感到壓力爆煲而爆喊，因為同時要以舞者初心去比賽，又要演戲，致令身心大感疲累。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】