余德丞突宣布離巢TVB拍片清Locker執包袱 公司阻回應續命謠傳耿耿於懷

32歲的余德丞（Dickson）今日凌晨無預警突然宣布離巢TVB，結束8年賓主關係。Dickson分享多張靚仔新相，並留言說：「結束是另一種開始，離開是另一種遇見，從此，隨心而行#約滿 #自由身 #Byebye」而他在個人的YouTube頻道特別拍片記錄自己收拾行裝的一刻和分享感受。他笑言拍劇就試得多，原來執包袱走真的要用上紙箱。

同場加映：食腦喪B丨方紹聰暫別精神病角色初嘗男配角 感激家人無限量支持：姐姐以我為榮

{{hket:ul-video id="5674"}}{{/hket:ul-video}}

Dickson分享初入行時的照片，雖然事隔8年，但他的招牌法令紋笑容沒有變化，他說：「好多人叫我整走佢（法令紋），但我係唔會整容！」而他回憶到不少體育直播的經驗，他自爆14年第一次做澳門賽車直播，「當你諗緊嘢講嘅同時，右邊耳仔有人同你講話仲有三十秒，跟住我應咗一句：『哦！』呢單嘢真係好樣衰！」經過7年後再主持奧運，已經進步不少。

{{hket:inline-image name="duck12.jpg"}}{{/hket:inline-image}}

{{hket:inline-image name="279434820_500658478461229_4500199658376659956_n.jpg"}}{{/hket:inline-image}}

{{hket:inline-image name="279393439_544890333653228_5174420558542041631_n.jpg"}}{{/hket:inline-image}}

青春不要臉丨余德丞超肥身形「肉身」原來係... 丁子朗Post倒吊相驚現「動L」【下一頁】

Dickson感恩在兒童、體育、飲食、旅遊等節目都涉獵過，在臨離巢前亦盡心盡力拍畢人生第一部男主角的劇集《青春不要臉》，他說：「呢個係誠意之作，雖然8年來冇乜代表作，但總算每樣嘢都試過，冇白過。」

問到Dickson入行至今最後悔的事，他表示以往相信自己做每個決定，選走這條路就要預計要去承擔一切，惟獨有一件事耿耿於懷到而家，「話說當年有個人就行出嚟，話我媽咪跪求咗佢好耐，佢決定為我點燈續命，呢件事出咗之後，好多記者打電話問我發生咩事。首先，我同媽咪都唔認識呢個人，而我認識嘅人入面都冇嘗試過去接觸呢個人。當年我睇到呢個新聞之後，我係好想企出嚟，但公司認為最好嘅回應方法就係唔好回應，由佢過去，最後佢哋就要我用：『多謝關心，我沒有回應！』但其實我唔明白點解係當冇件事發生呀喎？啱就啱，錯就錯，咁樣回應導致好多人有揣測，佢哋冇諗過呢個決定係一直影響至而家根深柢固入咗人心，諗起我就會諗起呢件事。」他認為作為藝人可以食得鹹魚抵得渴，但事件卻無形中傷害到媽咪，而他亦無法做任何事去修補。「好多人而家仲覺得我可以坐喺度，係因為媽咪幫我點燈續命，事實上最主要一定要多謝球場上同我同隊嗰位護士，佢有喺急症室做過，當時為我做適合治療，之後亦有醫生團隊幫我，加上當時大家幫我集氣，呢個先係個重點！」當時曾有報道，指余媽媽求富豪名人御用風水師俞志麟為Dickson點七星燈續命，現時才得悉原來未有點燈續命一事。

真‧女神轉身│余德丞假戲真做帶糖水夜訪寶兒 自肥溝女：一集一個唔通追晒咩？【下一頁】

Dickson除了離巢的事，他都有回應入圍「百大俊男」一件，對於被質疑是否TVB課金為他入圍，他說：「呢單嘢真係關我鬼事，我仲好記得，當日下午一點幾起身，起身睇電話，好多短訊彈出來，通常咁樣一定有事發生，講真，我何德何能？莫講話全球，全港、全港島都未必入到流，你估我冇睇留言？你估我唔知你點諗咩？話我『永遠未瞓醒』、『個樣就嚟死』、『有眼耳口鼻都選得呀啦』，其實我全部都睇晒。」他了解番整件事的玩法，指舊公司TVB不會為一個快將離巢的人課金，而他發誓不是自己課金，亦不是媽媽跪求或粉絲出手，「直至今日我都唔知邊個提名我，希望大家話我知，等件事水落石出，我反而希望大家將焦點放係有需要嘅人上面，好過幫我搞單咁嘅笑料！」

{{hket:inline-image name="duck13.jpg"}}{{/hket:inline-image}}

Dickson坦言短時間內相信不會在電視平台見到他，但他會繼續努力更新社交平台，期待將來有機會再在其他平台跟大家見面。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉