姜濤誕丨姜濤生日快閃銅鑼灣答謝粉絲應援 新歌MV講反戰 前輩大讚了不起

「430」是人氣偶像、MIRROR成員姜濤23歲生日的大日子，全港「姜糖」（姜濤粉絲的暱稱）在香港不同地方都有舉辦應援活動，而昨日姜糖更舉辦「電車日」以偶像的名義請全港市民免費搭電車。位於銅鑼灣的應援地點，全日滿滿都是前往朝聖的市民，大家前往被粉絲形容為「姜濤灣」打卡留念，場面非常熱鬧。

同場加映：食腦喪B丨方紹聰暫別精神病角色初嘗男配角 感激家人無限量支持：姐姐以我為榮

{{hket:ul-video id="5674"}}{{/hket:ul-video}}

姜濤「430」23歲生日全城應援 姜糖搞免費搭電車日傳愛心【下一頁】

{{hket:inline-image name="IMG_4162.JPG"}}{{/hket:inline-image}}

直至夜晚十點許，姜濤無預警坐保母車「快閃」突襲銅鑼灣應援區，由助手舉機全程直播，他身穿長袖衛衣，笠住帽和戴上口罩，在助手和保安陪同下，下車走到銅鑼灣Sogo門口。不過，姜濤火速被認出，現場的粉絲瘋狂尖叫和起哄，即時人群式包圍偶像，並舉起手機狂影，引起一片混亂。由於現場人數眾多，而警方亦曾對相關的應援活動作出提示，著現場人士應守防疫規定，保持社交距離和嚴守四人限聚令，所以姜濤都不敢逗留太耐。姜濤在自己的大熒幕前看看就被人群重重包圍，隨後他都多謝大家支持，火速返回座駕。姜濤的直播片段約3分多鐘，他逗留現場的時間差不多2分多鐘，令不少「姜糖」都大為感動開心，感激偶像非常疼錫粉絲。

另外，姜濤在生日正日的當日推出新歌《作品的說話》，他親自執導的MV昨晚在YouTube上架，不少粉絲大讚之餘，連前輩古巨基、張繼聰等都為他送上祝福，張繼聰說：「Happy birthday 姜！了不起嘅年輕人，要繼續身體健康，日日happy！」而古巨基說：「23歲自導自演，一首關於愛與和平的MV，一定要畀讚！MV最後嘅一場舞，令我幻想呢首歌。如果將來引伸到做一個大型音樂劇，一定會好震撼。#真係好好 #非常好」

姜濤大方曬黑圖「小胖姜」舊照 圓臉加「肥仔波」自己都認唔出【下一頁】

{{hket:inline-image name="IMG_4129.JPG"}}{{/hket:inline-image}}

{{hket:inline-image name="279452427_3245580185760991_8326821928803346414_n.jpg"}}{{/hket:inline-image}}

今次新歌《作品的說話》的誕生是源自姜濤看到近期一些戰亂照片，令他想到其實每個人本來都是活生生的，生前好幸福，他想像不到若戰爭發生在自己身上，會是怎樣的一回事，所以就產生了《作品的說話》的創作意念，並以他常說的「用作品說話」作創作的出發點。姜濤表示，歌名是小克突然想到的，他說：「歌詞方向大改，第二次寫好後小克話用《作品的說話》做歌名，我覺得幾好。大家望落以為今次又係講啲好personal嘅嘢，但其實《作品的說話》係一首關乎所有人嘅歌，用我自己成日講嘅一句說話『用作品說話』去講戰爭 —— 我哋無論乜嘢種族、級別，都一定唔想要有戰爭。」
 
為配合歌曲反戰內容，姜濤想到MV要以一個戰亂避難所作背景，以當中的故事帶出反戰訊息，並找來過百臨時演員參與演出，開場一幕又加入CG效果，是不論MIRROR或是其他Solo隊員都未曾試過的鉅大製作。他介紹道：「呢個商場就係呢個世界、地球嘅縮影，喺入面發生嘅一切，例如爭食物、祈禱、爭拗等，都會喺有戰爭嘅地方發生。」在MV中，姜濤扮演其中一位難民，逃走到商場入面，以姜濤的視覺觀察裡面的人生百態。姜濤說：「喺商場入面會見到好多殘酷嘅事情，但其實所有難民都唔係敵人，冇人係敵對，大家都係無辜者，但結局就好殘忍。」姜濤表示，希望藉著MV告知大家這個世界發生的故事，更希望宣揚Love and Peace訊息。

為了拍出自己想像中的MV世界，今次姜濤自己構思故事，再自行執導，實行自編自導自演MV，一腳踢。「我唔係話其他導演拍得我啲MV唔好，純粹係自己多諗法，但可能好多時候唔係百分百按照我嘅諗法去做，所以今次不如試一試，睇下可唔可以實行到，由度故仔、Camera Movement、分鏡、都想自己參與多啲，會更加有歸屬感，同時亦睇下自己有冇呢個能力，算係一個小挑戰。」相比起上次執導〈孤獨病〉，今次製作《作品的說話》歌曲與MV的過程其實相當艱巨，因為姜濤總是希望自己的歌能緊貼時勢，或緊貼時下發生的事情，所以整個概念是在3月中才萌生，但又要趕及在今天生日推出作品，實在不容易。話雖如此，姜濤在整個Project上都十分上心，每個細節都認真參與，他解釋道：「每個Moment都要釘住所有Schedule，唔可以Miss任何環節，如果唔係就唔知道鏡頭發生咩事，所以會比較攰，唔似得淨係做歌手、演員，埋位先關自己事，而家係自己Call自己埋位，同埋要趕進度，所以要同大家講『快少少』。」不過姜濤並無後悔肩負起這個重責，更說：「為咗自己嘅作品，辛苦都係值得，觀眾聽到、Get到我哋想帶出嚟嘅Message，就係一個最好嘅回報。」他更笑言與製作團隊都十分期待MV出街後觀眾的反應，更笑言團隊有個口號，就是希望MV能夠「創造歷史」。
 
 
今次《作品的說話》MV尾聲部份，迎來姜濤與一個只有5個月大的BB合演的場面，姜濤解說這一幕的重要性，道：「BB嘅出現係想話畀大家聽，為咗我哋嘅下一代唔好再有戰爭。」而在拍攝期間，姜濤抱起BB逗對方笑，一臉慈祥，但原來這是姜濤第一次抱BB，他笑說：「BB真係好得意，望住佢隻眼嘅時候，如果畀到友善Message佢，佢都Get到，真係好神奇！」

{{hket:inline-image name="IMG_4155.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉