「才子」陶傑早前在商台節目《光明頂》批評男子組合MIRROR的實力只是虛火,沒有深度和內涵,對整個香港音樂和影視工業幫助不大,隨即惹來「鏡粉」連串反擊,網民熱烈討論,就連時事評論員蕭若元亦加入戰團,指陶傑不接受新事物,搞到陶傑在昨晚於節目內向鏡粉道歉,並說:「我冇心引咗個超級燈神出嚟,佢係出於個人對我仇恨要買對家。」
同場加映:食腦喪B丨方紹聰暫別精神病角色初嘗男配角 感激家人無限量支持:姐姐以我為榮
蕭若元昨日(2日)在「memehongkong」YouTube頻道開腔,他首先表明跟陶傑不咬弦,事緣因敘利亞難民的一場論戰而變成世仇。談及陶傑批評MIRROR,蕭若元說:「陶傑係唔明自己講乜,佢係冇受過思維訓練嘅人,兩年前我已經講『姜濤現象』,個火能夠持續,就唔係虛火,虛火係閃一閃,呢啲就係老人家唔能夠接受新事物。舉個例,到今時今日,仲有人同我講,Bitcoin係虛火,我講咗8年,但Bitcoin仲係4萬幾蚊美金,你堅持話係虛火,對新事物冇去睇點解仍然存在,而否定佢嘅存在。」蕭若元指MIRROR的形象好,帶動了ViuTV的廣告生意額。
光明頂丨陶傑開咪批評MIRROR係虛火 另一主持急忙道歉:真係得罪鏡粉【下一頁】
蕭若元繼續評陶傑指香港娛樂圈有年齡歧視,他笑指:「香港娛樂圈不停睇班老嘢,令到我覺得非常之奇怪,睇戲仲係睇緊劉德華,大佬,40年前我幫劉德華拍電影,我未見過啲小生咁老,劉青雲、劉德華、古天樂,呢啲人幾老呀,而家出番一班後生,你就剩係話捧班後生,唔睇老,真係得意!」對於陶傑指陳道明和葛優演技好,蕭若元就否定他的說法,「佢哋啲戲係好,但係做作,比唔上香港演員,周潤發、梁朝偉、蕭芳芳、張曼玉係世界一流,你真係唔明邊啲戲係好,香港演員喺康城影展攞咗大獎返嚟㗎!」對於陶傑建議銅鑼灣站改名為「姜濤站」,姜濤生日應列為公眾假期,維園皇后殖民銅像改為金身姜神像等等,蕭若元直斥這是嘲笑MIRROR的所為。
父親曹驥雲離世享年92歲 陶傑憶父親投奔香港「平凡」一生【下一頁】
昨晚,陶傑在商台節目《光明頂》再談MIRROR,他指自己的言論,竟引來其他KOL的談論,他說:「有啲KOL出現金屬疲勞現象,預測啲嘢又唔準,被人話係燈神,X緊街,講嘢又語無論次,開始有Unsubscriptions,咁佢咪拿拿聲扮鏡粉,扮鏡粉想吸啲新Like,所以後面有個錢作怪,千祈唔好以為呢啲人講心、講邏輯,全球華人媒體只係得我陶傑《光明頂》講邏輯。聽講有個超級燈神,佢以前曾經羞辱過叫游學修嘅年輕藝人,話佢喺香港電影唔會有前途,嗰個曾經被指為廢老,今次見到機不可失,呢個超級老燈神話MIRROR會一路紅落去,我好戥MIRROR同鏡粉驚喎,死喇,有人話我要害MIRROR,點害?就係我掉兩塊麵包碎去引超級燈神,走嚟燈MIRROR,因為佢係出於個人對我仇恨,佢鍾意買對家㗎嘛,最新陰謀論話我咁樣去害MIRROR,害到嗰隻燈神出嚟企對家,慘咯,通地都係鏡,燈到連啲鏡都碎埋,呢個我先此聲明,我絕對對住燈火講,呢個唔係我用意,我要對鏡粉講聲Sorry,我無心引佢出嚟。」
蕭若元YouTube談曾江死訊錯漏百出 錯講林翠名字 誤認金城武係曾江仔【下一頁】
另邊廂,姜濤在上周六(4月30日)生日當天,推出新歌《作品的說話》,MakerVille的行政總裁魯庭暉在IG出Post大讚姜濤是大器之人,他留言表示:「我諗番起幾年前,頭幾次同姜濤傾偈嘅時候,我問佢,喂如果呢而家畀個男一你做,你會想做個咩角色呀。咁我通常得到嘅答案會係『邊套戲嗰個邊個』或者『邊位演員嗰隻』。姜濤當時嘅答案係:我想做啲……要復仇嘅角色。我問,點解呢?佢話:魯生你話『而家』吖嘛,咁我而家咩都唔識,實做得唔好,我睇戲呢,好多時啲復仇角色呢,剩係呆咗咁望住一樣嘢,跟住導演,攝影師,編劇啦嗰啲就會令觀眾感覺到個氣氛。我都未得,惟有靠其他專業崗位。嘩,19歲。當時,我唔知佢會唔會紅,我只係知,這叫大器。23歲,自己導埋個MV。而家,佢望住一樣嘢嘅時候,經已唔係『剩係呆咗咁』,這叫進步。」他疑向陶傑還擊,想證明MIRROR並不是虛火。
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】