【聲明】港生活網站並無進行電話推廣活動

轉戰商台孖鄭裕玲做DJ 余德丞︰唔好丟《口水多過浪花》嘅架

發佈時間: 2022/05/04

余德丞(Dickson)日前宣布離巢無綫,並在YouTube分享last day「執包袱」短片,片段至昨日勁吸逾73萬點擊,網民均支持他另覓發展。原來Dickson已有新動向,他在本周一起於鄭裕玲(Do姐)主持的商業二台節目《口水多過浪花》中擔任客席主持。經過兩日實戰,昨晚Dickson接受本報訪問時,坦言已漸入佳境︰「第一日(開咪)真係非常緊張,做完重聽再檢討。」

Dickson前日首度以主持身份現身《口水多過浪花》,三位主持Do姐、余迪偉及傑朱大表歡迎,Do姐更買了蛋糕迎接新拍檔。Do姐說:「Dickson成日話有聽《口水》,我久唔久都考佢邊集講咗乜,佢都答到,加上同佢係(無綫)舊同事。」Dickson透露與監製兼主持傑朱相熟,又表示得知Do姐經常在節目中分享串流平台的劇集,他也有看平台播放的紀錄片,日後可跟聽眾分享。他又自爆11年曾申請任商業一台PA(節目編導),可惜他串錯收信人的英文姓氏,因而無回音。

Do姐大讚盡責

其後,Dickson在「鄭大仙」環節解答讀者來信,有媽媽級聽眾指女兒在交友app識男仔兼有性關係,迪偉聞言即取笑Dickson︰「開你個瓣,呃啲年輕少艾、妹妹!」Do姐斥責迪偉︰「標籤人,你真係!」Dickson即執生打圓場︰「啱啱大家(聽眾)淨係聽到Dickson呃少艾。」首日節目尾聲,Do姐問他做DJ感覺如何,他說︰「好緊張驚講錯嘢,所以唔敢亂講嘢!」昨日,Do姐在節目中分享「男朋友」木村拓哉主演的新劇《邁向未來的倒數10秒》,當她尋找劇中資料時,Dickson主動醒目搭嘴︰「內田有紀有啲似邵美琪。」他表示過往做體育主持時,當一人要搵資料,另一人便會接力講其他資訊以避免「dead air」,Do姐聞言力讚他︰「好嘢好嘢!盡責!」

感激途人支持

Dickson昨晚回覆本報稱︰「係傑朱介紹我入嚟,第一日真係非常緊張,做完返去重聽同檢討;第二日三位主持都有畀建議我,感覺上好過噚日(前日)嘅。(第二日較少開聲?)因為有訪問時段,所以主持部分係短啲。」他表示現時周一至五都會現身《口水》:「始終默契要時間建立,希望會更好,聽日(周三)係大問答環節,就要準備定問題,考下其他主持。(被取笑呃年輕少艾可有嚇親?)唔會,搞氣氛啫。其實有份參與節目已經好開心,我嘅目標係唔好丟《口水多過浪花》嘅架。」提到離巢TVB的短片點擊逾73萬,Dickson深受感動︰「就算係完全唔識嘅人,見到我都點頭支持,叫我加油,好多謝大家,所以我喺另一條片話,香港人真係好有愛。」

撰文︰Steven

美術︰梁政敏

轉戰商台孖鄭裕玲做DJ 余德丞︰唔好丟《口水多過浪花》嘅架

Do姐準備靚靚蛋糕(小圖)慶祝Dickson加盟,果然錫到燶。(IG圖片)

轉戰商台孖鄭裕玲做DJ 余德丞︰唔好丟《口水多過浪花》嘅架

Dickson完成首日節目後,即在商台後花園做「賽後檢討」,非常投入新工作。(網上截圖)

轉戰商台孖鄭裕玲做DJ 余德丞︰唔好丟《口水多過浪花》嘅架

Dickson大派粉絲福利,分享前日開工前的「床照」。(網上截圖)

轉戰商台孖鄭裕玲做DJ 余德丞︰唔好丟《口水多過浪花》嘅架

Dickson在《青春不要臉》飾演主角「榮仔」廣獲好評,亦是他在無綫的告別作。(網上截圖)