炎明熹帶獎座首見家人齊齊爆喊 自爆《聲生不息》交錯妹妹張相

炎明熹（Gigi）在內地綜藝節目《聲生不息》中，大展歌喉獻唱《蜚蜚》，又再跟楊千嬅合唱《勇》一曲，人氣急升的她分別接受《東張西望》和《無綫娛樂新聞報道》的訪問，分享自己在內地發展的近況。Gigi表示：「千嬅姐係一個非常細心嘅人，佢好照顧我，無論係唱歌嘅小技巧，或者舞台上動作、編曲同服裝上面，佢都幫我諗咗好多好多，所以我覺得一個人成功係有原因呀！」

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

聲生不息丨炎明熹開直播抱餅印妹妹Say Hi 事隔兩年終於可跟家人團聚【下一頁】

{{hket:inline-image name="10a.PNG"}}{{/hket:inline-image}}

{{hket:inline-image name="13.png"}}{{/hket:inline-image}}

Gigi坦言在《聲生不息》首次獻聲，見到台下觀眾跟住音樂揮手，令她大為感動，對於她的歌升上音樂榜冠軍，「完全冇諗過，當日好似係綵排，我屋企人同經理人講個消息畀我知，我都嚇咗一跳，我完全冇諗到會有呢種效果出嚟！」至於跟千嬅的合作，她認為是勇氣的開始，而狀態都逐漸進步，對於「Gi炎粉（粉絲暱稱）」擔心Gigi沒有歌唱老師高維晨在身邊會影響表現，Gigi稱一直都有跟老師聯絡，「當然會傾吓點揀歌，我會列想唱邊幾首，Send畀老師去篩選，睇吓覺得首歌適唔適合我，我唱完錄音畀佢哋聽。最困難係我暫時未知自己適合唱咩歌，好靠老師幫我。」

提到跟家人事隔兩年再碰面，Gigi坦言首日接媽媽放工，兩母女都忍不住痛哭，她說：「父母話我係佢哋嘅驕傲，知道我非常努力！當我第一日喺喼拎個獎座出嚟，我媽咪攞住個獎就喊咗，然後到我嫲嫲喊，我不知所措，唔知好唔好同佢哋攬埋一齊喊。媽媽係一個非常之感性嘅人，我都有少少感覺，但媽媽喊緊，我反而要安慰佢！」她表示媽媽是北方人，所以少為她煲湯，但一家人一齊去飲茶已經非常開心。

聲生不息丨炎明熹與楊千嬅合唱儼如母女檔 曾比特唱《單車》感性憶起亡父【下一頁】

Gigi坦言跟家人一齊收看《聲生不息》，林子祥和葉蒨文都是家人喜歡的歌手，她大爆年近90歲的爺爺是音樂人，他都有給予Gigi意見，她說：「爺爺差不多90歲，佢聽呢個節目，當我唱歌嘅時候，爺爺同我講話我個嘴打得唔夠開、唔夠圓，因為爺爺都讀過音樂，佢係拉二胡同打鼓，竟然再提醒我，真係好感動。」

{{hket:inline-image name="GIIG6_600.jpg"}}{{/hket:inline-image}}

{{hket:inline-image name="73871b85.jpeg"}}{{/hket:inline-image}}

對於日前她抱妹妹一齊開直播，不少網友都大讚兩姊妹似樣，妹妹十足「小Gigi」一樣，Gigi自爆烏龍事：「妹妹同我細個真係非常之似，節目組需要我小時候嘅照片，我Send錯細妹張相畀佢哋！我一直以為係我自己，因為細個記憶已經冇晒，我將妹妹張相Send出去，噚日問我父母，妹妹旁邊係邊個，原來係我，呢件事真係好尷尬！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉