ERROR成員吳保錡昨日接受鄭裕玲（Do姐）訪問，於商台節目《口水多過浪花》上暢談第一首個人單曲《猥瑣》的創作點滴，Do姐指保錡最初給她的印象是「死𡃁仔」、輕浮，但現時的感覺已有所改變。保錡入行3年，坦言曾經因為感情事處理失當、對人沒禮貌而跌入人生低潮期，幸公司對他不離棄，給他機會推出新歌，令他學會珍惜一切，同時表明暫時不想拍拖，專心工作，賺錢買樓。
同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌
去年1月，有傳媒踢爆保錡背住女友Carrie而秘戀張沛樂（沙律），形象插水。他在網上做直播時，更與網民罵戰，網民言之鑿鑿要罷看有他參與的節目，甚至要他退出ERROR，當時保錡要戴上「反省中」的面具才可以在節目內出鏡。保錡指自己以前對人很沒禮貌，不懂待人接物之道，話說出來已收不回。而在人生低潮時看到的事物亦有所不同，「做娛樂圈同玩音樂係我夢想，我終於可以做到！所以我要學識珍惜，以前做咗好多錯事，或者形象唔好……但呢啲唔係藉口，要去改過自身。」
保錡@ERROR自認唔夠靚仔推新歌自嘲 搞笑背後：花盡氣力做個合格的人【下一頁】
Do姐聽後，認為保錡有很大轉變，問到他是否因為曾經失去工作機會，在街上被人奚落才知道自己錯？保錡說：「入行之後，我生活冇改變，一定係搭交通工具，嗰陣時我搭火車，會Feel啲人好憎你，拎起部電話偷拍你，變咗過街老鼠……個人有少少Down，唔係好食到嘢，情緒低落，我唔想再成為過街老鼠，低潮過後係要成長！」坦言當時幸有隊友肥仔（梁業）、阿Dee（何啟華）、193（郭嘉駿）、經理人花姐和阿劑、MakerVille行政總裁魯庭暉、ViuTV製作部副總裁金廣誠不離不棄，他續說：「我已經咁差，佢哋都冇放棄我，我一定要醒覺。最入腦係花姐冇放棄我，仲話會畀機會我出歌，佢賦予我人生，同做娛樂圈意義。」
2022年新人丨保錡新歌為猥瑣平反邀偶像拍MV 崇拜Heidi多年：難以形容嘅感動【下一頁】
入行前，保錡於酒吧、地盤工作，亦當過售貨員，Do姐一臉迷惑，指他應該更加懂得待人接物，保錡說：「係呀！但個人就係冇乜禮貌，而且我衰好多嘢，感情事啦、冇禮貌啦、EQ又低啦……全部衰晒，呢樣嘢先大鑊，所以要有勇氣去面對自己嘅弱點，我係睇書學返嚟嘅，書中自有黃金屋，雖然我冇乜嘢學識。」指現時學懂有禮貌、尊師重道。
Auntie妳好丨七仙羽教保錡同冰姐搞埋一齊？ 重申有邏輯：每次跳掣都跳得啱【下一頁】
提到感情事，保錡與沙律（張沛樂）分手收場，他連環以「NO」、「NO」、「NO」來回應，指自己沒有資格拍拖，坦承自己不是好男友，「我絕對差！我有少少自戀……做娛樂圈呢，有件事好勁，做幾年就會發現審美觀唔同咗，發覺個個都差唔多。花姐？花姐最靚啦！內在好靚，想法好勁，我心動，個心扑扑跳，我好尊重佢。」保錡直言暫不拍拖，現階段只想買樓置業，他說：「呢幾年同細佬儲錢，想搞掂呢單嘢，仲要一定係喺大埔，我係大埔之子，住咗31年，我Fans幾好，喺紅Van買廣告幫我宣傳，見到架紅Van印住《猥瑣》喺大埔經過，幾開心呀！」
ERROR嫌新歌點擊率未達標 笑斥MIRROR出歌出得太密【下一頁】
對於金錢的概念，在單親家庭長大的保錡，19歲萌生追夢的念頭，當時做了7年「茄哩啡」賺錢，「其實追夢係一件好自私嘅事，因為屋企人會擔心，又畀唔到錢養屋企，呢件事……我係衰仔！所以其他人都係，聽住，如果屋企人肯支持你追夢，你要珍惜，同時我又好感恩屋企人冇支持我，就係冇囉，咁自己個心先至強大吖嘛！」他做了7年「茄哩啡」也沒有上位的機會，保錡說：「有沮喪呀！到26歲嗰年參加《全民造星》，同自己講呢次係最後一次，我唔再追（夢）嘞！因為當時已經負資產……」保錡視張家輝為偶像，續說：「我好想見佢，才想入娛樂圈……希望有一日，我可以親口表白，講『我好愛佢』。」Do姐隨即表示安排機會保錡與張家輝見面。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
