唐詩詠用13年釋懷走出喪母陰影 罕偕爸爸與餅印胞兄全家慶40+1

昨日（3日）係唐詩詠嘅41歲牛一，自從拍咗《鐵馬尋橋》之後，咁多年嚟佢都同劇中一班「家人」慶祝，日前佢都post出同林子善以及黃嘉樂嘅慶生照，感情好似親兄弟姊妹一樣咁好！人緣唔差嘅唐詩詠未生日已經切咗幾個蛋糕，不過相信最有意義嘅都係佢正日呢日，有爸爸以及胞兄一家幫佢慶祝生日。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

甚少提起家人嘅唐詩詠今日post出幾張合照，相中有爸爸、親哥哥Brian以及大嫂同姪女，另外仲有一位年紀似係詩詠媽媽嘅女士，而詩詠媽媽早年已過身，未知係咪大嫂嘅媽媽。相中大嫂以及姪女齊齊吹蠟燭，似乎大家都係「金牛女」，詩詠笑得非常開心，場面溫馨，詩詠留言：「快樂是轉瞬間的事，值得好好把握。」

{{hket:inline-image name="272962ae04db52d13ae0f2f5e6b35416.jpg"}}{{/hket:inline-image}}

圈中唔少錫佢嘅人見到佢咁高興都留言送祝福，有網民就將重點放咗喺佢一家個靚鼻上面，話見到佢同哥哥個鼻一樣都係又高又挺，就知佢個鼻一定係純天然咁話！其實記得詩詠身世嘅人，見到佢呢次罕有同家人慶生，相信都會好替佢高興，因為詩詠曾經因為喪母嘅傷痛而唔想再慶祝生日。

唐媽媽2009年離世，同年詩詠哥哥炒燶股票、爸爸退休、仲被崔建邦「劈腿」分手等，唐詩詠頓成了悲劇人物。媽媽離世之後幾年，唐詩詠都冇搞過生日會，只想靜啲過，佢表示：「我嗰一日情緒會波動得好大，因為我會諗嗰日係媽咪生我嘅一日，我會諗好多嘢，所以我唔適宜搞生日會，我唔想人哋見到我好似好開心，突然之間又好唔開心，所以我想自己過。」

唐詩詠入行前屋企負資產，由媽咪一個支撐，哥哥收入唔穩定，爸爸當時長期喺大陸，可以好多年都唔會見面。雖然唐詩詠同年長佢五年嘅哥哥感情要好，可惜父母的感情問題令佢童年不大好過。不過亦因為佢嘅不幸，「成就」咗佢《鐵馬尋橋》中嘅角色阿雁：「經歷咗好多嘢，中間有好多寫畀我嘅位，我都係好自然演到。」角色仲令佢大熱勇奪「飛躍進步女藝員」獎，詩詠之後嘅演員路開始平步青雲，更登上視后寶座。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】