威哥會館︳廖偉雄獲「程燦」帶挈一嚐男主角滋味 與曾志偉化「敵」為友合作拍戲搵錢

現年64歲的廖偉雄（燦哥）定居於廣東羅定市，專注發展有機農業「燦神龍場」，閒時一家四口回馬來西亞探望太太的親友。燦哥在1976年投考無綫第六期藝員訓練班，出道接演過幾齣劇集後，遇上改變一生的劇集《網中人》（1979年），飾演由內地來港的新移民「程燦」一角，鯨吞30個漢堡包傳誦一時，成為經典的一幕。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

燦哥近日接受網上頻道訪問，於《威哥會館》節目上談及「程燦」角色，指當年並沒有試鏡，他憶述：「只係喺電梯撞到添哥（《網中人》監製李添勝）同王晶（同劇編劇），佢哋突然之間指住我話『係你喇，係你喇』！於是我就做咗呢個『大陸仔』角色，當時我都有返去大陸，因為表哥、表弟都喺嗰邊，我就叫佢哋寄件衫落嚟畀我，喺劇中穿著。」燦哥表示劇集播出後，自己走到街上，大家都叫他做「阿燦阿燦」，今時今日亦然，這是他意想不到的。

【破產冇陰影】廖偉雄頻爆金句獲封燦神 再戰神州轉型務農做到攞獎【下一頁】

「阿燦」爆紅後，隨即惹來不少電影投資者垂青，開拍系列電影︰例如1980年放映的喜劇電影《阿燦正傳》，而1981年就有三齣笑片《阿燦出千》、《阿燦有難》、《阿燦當差》放映，燦哥笑說：「難得有齣電影做主角！其實自己從來冇諗過入呢行，仲做埋主角添，幾開心呀！當時有幾個人一齊投資開戲，當中有孔權開，孔權開以前喺TVB做服裝嘅，佢係最大嘅古裝供應商，仲有服裝設計師蔡賢聰，佢哋搵咗招振強做導演；《阿燦正傳》好收得（票房），海外市場新加坡、馬來西亞都收得好緊要！我記得過去馬來西亞做宣傳嘅時候，片商仲特別請我食飯，又送禮物，因為收得吖嘛，所以有人願意買片。跟住就有好多唔同嘅《阿燦》電影出現，直至吳思遠監製、羅文導演拍《阿燦當差》，點知又賣得喎！」

淡出娛圈做農夫｜廖偉雄「復出」做YouTuber拍片 萬事起頭難「亞燦米」3年無人問津【下一頁】

在1988年，燦哥與資深製作人黎文卓合作無綫節目《香港倒後鏡》後，在1990年製作《笑星救地球》，夥拍胡大為、黃一山、黃一飛、林家棟等，節目內容惹笑兼諷刺時弊，深受觀眾歡迎，相信大家最記得的定必是「乜太與李」的環節，燦哥說：「搞笑節目最重要係變化要快要大，唔能夠一個人著住一件衫，只有一個形象去做，做3分鐘，咁樣做觀眾會覺得好悶，所以要變化多，創造唔同嘅嘢出嚟。《笑星救地球》成功嘅原因，我覺得黎文卓係最重要嘅元素，佢放咗好多香港當時嘅時事人物入去，令到觀眾有同感。」

61歲周文健孟波形象冇得輸 盤點巨星 發哥親民 DoDo最認叻【下一頁】

{{hket:inline-image name="55.jpg"}}{{/hket:inline-image}}

{{hket:inline-image name="56.JPG"}}{{/hket:inline-image}}

{{hket:inline-image name="80.jpg"}}{{/hket:inline-image}}

燦哥指當時《笑星救地球》播出的同時，亞視正播映由曾志偉、林敏驄主持的節目《開心主流派》，燦哥表示：「拍完《笑星救地球》，志偉就組合埋我哋，拍咗齣電影《笑星撞地球》，希望食住《笑星救地球》個勢去賺錢！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】