江嘉敏曾因王浩信有輕生念頭 自爆被青靚白淨無綫男演員力追

現年27歲的江嘉敏，2014年因參演麥曦茵執導的《曖昧不明關係研究學會》和港台劇而入行，2016年加入無綫後，正式展開演員生涯，拍攝劇集《親親我好媽》、《不懂撒嬌的女人》、《誇世代》、《果欄中的江湖大嫂》、《兄弟》等等，直至近日熱播的《食腦喪B》亦有她份。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

{{hket:inline-image name="228133198_1198036260663465_965328359337454633_n.jpg"}}{{/hket:inline-image}}

雖然入行只有短短6年，但負面新聞多多，外界對她的印象是「是非精」、與圈中男藝人傳緋聞、傳與馮盈盈因富貴船P不和，更指江嘉敏是新一代「姣精」。江嘉敏近日接受由林柏希主持的網上平台BOX channel節目《月傾會》訪問，對於當時有傳她在英國拍《兄弟》外景時，經常主動黐住「人夫」王浩信，回港後又頻頻聯絡對方，由於不懂面對負面新聞，她自爆當時曾有輕生的念頭，說：「我拍《兄弟》嘅時候，就有我人生第一篇是非，唔係靚嘅頭條新聞，當時我唔識點應對，加上套劇只係拍咗一半都冇，我好記得當時我衝咗上去監製間房，我同佢講話唔想再拍呢套劇，因為我唔識點去Handle呢個新聞。有排嘅情緒係唔穩定到，我而家要喺TVB天台跳落嚟咁樣囉，後來張繼聰同監製輪流咁打嚟，佢哋話『大佬，其實好小事㗎咋，呢一行，有邊個係未經歷過，其實到你大個睇番轉頭，呢個係好皮毛嘅事。」

江嘉敏Po長文認與有米男友分手 「有骨」祝福：你們都會好好的【下一頁】

對於她上月在IG公布，跟拍拖4年的有米電競高層男友Anthony分手，江嘉敏在節目中表示，其實已單身了數個月，期間亦有為這段情而哭過；至於分手原因，她直言沒有好明確的說分手，不過兩人相處是有問題存在，這段關係亦令她學懂最重要是溝通。

問到她有否試過與圈中人拍拖？江嘉敏即說：「絕對冇，因為自己做呢一行，如果同圈中人拍拖的話，可能傾嘅嘢會好悶。」至於有否被男藝人或者知名大士追求過？她哈哈大笑直認說：「佢好Sweet，係後生嘅，佢作咗一首歌畀我，仲拍埋MV畀我，係咪Sweet呀？佢唔識唱歌，佢唔係歌手，但佢有好心機，用咗我個名去作首歌，佢想講嘅嘢喺晒首歌入面，但嗰排我未係一個適合拍拖嘅狀態，所以我冇同佢一齊。」雖然她揞名爆，但她透露對方是斯文、青靚白淨、溫柔的無綫男演員。

一張相兩個版本｜馮盈盈認修圖「編輯風格唔同」 暗寸江嘉敏原圖直出:冇可能扮冇P【下一頁】

{{hket:inline-image name="279775745_1000171137295177_7553430931891813774_n.jpg"}}{{/hket:inline-image}}

提到江嘉敏與何廣沛及郭子豪合作的《食腦喪B》現正熱播，她表示希望今年能夠得到「飛躍進步女藝員」，怎料林柏希笑指希望她這個「時裝車禍」可獲頒「最佳衣著」，江嘉敏聞後即大笑，被問到覺得「最唔車禍」的，是哪一套服裝？她笑說：「我剩係可以講得出最唔車禍係邊套，有一次我著黑色Tube，有少少透視，嗰次咪最唔車禍，因為黑色顯瘦。」對於兩位男拍檔，江嘉敏說：「起初覺得何廣沛好鬼Chok，因為佢永遠都係，行出嚟係一副好完美男神嘅形象，到而家都係㗎；後來相處過，我覺得佢係一個好窩心、好願意分享嘅大哥哥，佢成日覺得自己好靚仔。郭子豪係典型以為自己好靚仔嗰啲，死喇，得罪佢添！其實佢係好男友，因為佢好錫佢嘅女朋友，佢願意為另一半付出，呢個真係加分。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】