百萬人推理︳鄭伊健赴台拍劇「浩南哥」超受歡迎 同劇演員勁興奮：演電線桿都願意

現年54歲的鄭伊健在九十年代憑演出《古惑仔》系列電影中「陳浩南」一角紅遍中港台，他早前赴台拍劇，吸引唔少網民關注。噚日台劇《華燈初上》製作團隊宣布推出全新懸疑推理原創影集《百萬人推理》，劇集將由鄭伊健主演，仲有《華燈初上》入面嘅兩位「渣男」李李仁及王柏傑、「五堅情」成員婁峻碩，以《消失的情人節》提名金馬獎影后的李霈瑜及憑《無聲》榮獲金馬獎「最佳新演員」的陳妍霏合演。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

《百萬人推理》一劇係伊健第一次長時間逗留台灣參與拍攝嘅作品，佢同婁峻碩、李霈瑜聯手偵查「網紅連續殺人事件」，情節燒腦，同時亦考驗觀眾推理能力。伊健表示收到劇本時興趣大增，事關佢本身都係推理劇迷，「假如我是觀眾，也希望看到這類型故事。」

{{hket:inline-image name="52038648_382114962341573_5432343018481334487_n_600.jpg"}}{{/hket:inline-image}}

主演之一李李仁亦喺IG上載開鏡儀式嘅相，佢表示好高興可以同伊健合作，「當初聽到浩南哥要演男主角！二話不說就答應了！哪怕要我替浩南哥擋刀擋槍！或者演一棵行道樹、電線桿我都願意！敬請期待！」而婁峻碩就話自己「何德何能可以跟伊健哥一起對戲」，可見佢哋能夠同伊健合作真係好興奮！

《百萬人推理》而家正在拍攝，前「黑澀會」成員Apple（黃暐婷）噚日收到牙醫男友嘅訊息，話見到伊健喺診所附近拍戲，Apple即刻坐車去追星，雖然影唔到合照，佢遠望偶像一眼亦心滿意足，見到伊健坐喺車上，甚至想大叫「Sky哥哥」（伊健在《烈火戰車2極速傳說》中角色）。

鄭伊健赴台為《華燈》製作公司拍攝 古惑仔中「異類」未見北上搵人仔【下一頁】