「人氣王」姜濤今日出席《預防HPV No Regrets》微電影的發布會，會上他跟醫生齊齊呼籲大家要關注預防HPV的重要性。提到今次拍攝的趣事，姜濤稱跟導演早就認識，他笑言：「去維園打波以為係普通阿叔，冇諗過佢係導演，合作之後，後來打波再見到都禮貌啲，唔好咁『衡』！」姜濤自爆讀對白時被一句「No Regrets」考起，讀十幾次都未收貨，「其實我都唔知點為止啱！」
同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌
姜濤誕丨姜濤生日快閃銅鑼灣答謝粉絲應援 新歌MV講反戰 前輩大讚了不起【下一頁】
4月30日是姜濤23歲生日的大日子，粉絲們發起「全城免費電車日」之餘，亦有不同的應援，非常熱鬧。姜濤指生日當日在工作中度過，收到劇組的生日蛋糕，對於他突然現身銅鑼灣「姜濤灣」，引起粉絲圍捕，「我臨時決定去，當時差不多11點，以為冇乜人，粉絲咁有心都應該影張相，同埋我近視睇唔到原來仲有好多人，一落車想返轉頭已經太遲。（混亂？）冇錯，下次我都要睇清楚情況先，會小心啲避免。」他表示由於工作沒有回家，或留待母親節再跟家人一次過補祝。提到媽媽都有到應援區打卡，「其實我唔鼓勵佢去，因為佢年紀偏大，如果太多人聚集唔係幾好，佢作為阿媽當然開心，下次提醒佢盡量唔好去！（好多粉絲叫佢奶奶？）我估佢都有啲怕醜。」
姜濤笑言媽咪年紀大，要求越來越少，希望母親節當日可以留時間陪她，提到演唱會門票是否最佳禮物？他說：「會嘅，佢話唔使多，十張八張就夠。我入行之後佢多咗好多朋友，以前佢好少出去，而家郁吓就話約咗朋友。（催你搵真新抱？）佢又冇，佢反而唔鼓勵我拍拖，佢覺得呢個時期拍拖唔係咁好，(保持A0？）梗係唔會保持住啦，但（如有）我都唔會宣布，呢個會成為永遠嘅謎，真係好後悔當初講呢件事。」
姜濤「430」23歲生日全城應援 姜糖搞免費搭電車日傳愛心【下一頁】
對於日前陶傑和蕭若元為MIRROR的評論而隔空罵戰，陶傑先指MIRROR是虛火，後來又連番向鏡粉道歉。姜濤表示有留意報道，他說：「未有資格評論人哋對我嘅批評，始終我哋好多地方未做得好，努力將呢股虛火變成實火，呢個係我哋喺呢一行嘅動力。」
姜濤透露《季前賽》快將煞科，四月之後與MIRROR其他成員會陸續準備演唱會，由於今次場地是紅館，大家都會提早好多時間去準備，「我諗大家今次都擔心自己體能，紅館係更加大舞台，一次會比上次更加好，（騷肌？）Jeremy？我未夠膽講，今次肌肉擔當係Jeremy，我露少少？露手指囉！露出嚟驚嚇親你，即刻走，退票！今次騷唔騷都好，都要train好肌肉，睇到時進度。」至於黃牛黨將MIRROR門票叫價44萬一張，姜濤直言太誇張，呼籲粉絲們不要買黃牛，MIRROR情願辛苦少少多開幾場去滿足大家。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉