《季前賽》丨Edan@MIRROR Po兄弟瞓覺醜照放過姜濤？ 肥仔災難級走樣 麻利讚嘆：好癲！

由姜濤、陳卓賢（Ian）、呂爵安（Edan）、邱士縉（Stanley）、郭嘉駿（193）、梁業（肥仔） 、張繼聰等主演的ViuTV新劇《季前賽》昨日（9日）煞科，Edan昨晚就於社交網宣布告別「關浩德」（德仔）這個角色，更分享同劇演員的瞓覺黑圖！

{{hket:inline-image name="edan.png"}}{{/hket:inline-image}}

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

Edan大膽在IG Po出大量「黑圖」，留言：「《季前賽》今日煞科了！德仔決定post啲眾生相比（畀）大家睇！事實證明，睡眠是很重要的。期待《季前賽》出街！」更怕其他人會Po佢黑圖「反擊」，說：「唔好諗住反擊」、「我仲未出絕招」、「我大把貨」、「冤冤相報何時了」。唔少網民都話佢夠膽po其他人嘅黑圖，係「一直在玩命」，亦都有人好期待其他人「報復」Edan！

{{hket:inline-image name="280212292_300548855570947_8589071461319.jpg"}}{{/hket:inline-image}}

「黑圖」當中，當然是Edan自己的睡相最靚，不少「爵屎」都留言：「喂呀，你嗰張咁靚仔嘅」、「你自己嗰張最靚嘅」、「點解你嗰張唔係大頭嘅」、「得你一個咁正常」。而其他演員的瞓覺黑圖，以肥仔的照片最為「震撼」，事關他被Edan低炒影大頭，影到個頭超圓，麻利都留言：「肥仔嗰張好癲！」至於Stanley及193同樣被Edan近鏡影睡相，見他們都口擘擘，瞓得好稔。

而最後一張就是姜濤的相片，不過就不是瞓覺黑圖，而是他咧嘴而笑的相片。不少粉絲質疑Edan無放姜濤的瞓覺黑圖，是因為「偷拍高手」姜濤手上應該有他的黑圖，所以Edan就「放過」姜濤。姜糖留言：「姜濤手上應該有兒登更黑嘅圖」、「姜濤應該有大把貨喺手」、「懷疑姜濤手中有皇牌」。

新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握【下一頁】

撰文：林惠珊

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】