一起走過︳龍天生做演員無晒火轉做幕後 演智障人士被叫「白癡仔」十幾年

龍天生、陳安瑩日前擔任港台節目《一起走過》嘉賓，接受主持人楊紹鴻、寶珮如訪問，兩人在娛樂圈經歷頗為相似，同樣早年就讀無綫藝員訓練班，既是演員又是出色的配音員，在行內早已獲得肯定，這次他們分享多年來做戲同配音的體驗。

{{hket:inline-image name="05101003.jpg"}}{{/hket:inline-image}}

{{hket:inline-image name="05101005.jpg"}}{{/hket:inline-image}}

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

龍天生自言性格好怕醜，見到女仔會面紅，當年讀男校時參與話劇組，從此與演藝方面扯上關係，「劇團入面有個師弟叫高志森，呢啲真係緣分，佢讀書時已對話劇發癲，編、導、演都好投入，加埋我戴眼鏡，除咗之後乜都睇唔到、唔識驚，咁就鍾意咗話劇。之後再讀咗一個話劇訓練班，跟黃百鳴學咗一年話劇，裏面當然有高志森，仲有廖安麗，然後大家符符碌碌考入咗無綫訓練班。咁就一生，你叫我轉行？轉咩？咁去做幕前幕後，呢行好大。」

好聲好戲│龍天生熱愛戲劇自知冇主角命 工作狂因中風昏倒改變人生觀【下一頁】

1977年，龍天生於無綫藝訓練畢業，笑指該屆同學今天已是叔叔姨姨︰包括呂良偉、廖偉雄、廖安麗、樓男光及陳玉蓮等。問到他第一套實習作品是甚麼？龍天生說：「有一齣叫《小人物》，1小時內有4個故仔，編劇係李碧華，我演出其中一個故仔，角色係『白癡』，做完之後畀人叫咗十幾年『白癡仔』，我係好唔開心。（係因為你演得好？）鬼知咩！我盡力去做，但點解搣唔甩個名？搣咗十幾年都搣唔到！真係把鬼火！而家反而……係喎，演員就知道係咩一回事，當你嘅演出好感人自己又好有感覺嗰陣，覺得有『電』嘅感覺，總之過癮啦！但十年後好多戲都無『電』，我嗰時開始驚咗做戲，於是轉做幕後，希望撻番著幕前嘅火……幕後仲好玩，由電影劇務開始做，編劇、副導演、製片、統籌同策劃。（甘心放棄幕前？）冇放棄，係覺得無癮，我演戲，一定好自然做到出嚟，呃到世界但呃唔到自己……以前點解做死屍咁開心？因為做得過癮，嗰時又瀟灑得起。」

好聲好氣│多啦A夢花輪同學配音員現真身 資深演員龍天生轉型配音做導師【下一頁】

龍天生演智障人士如此出色，受到鄭則仕（Kent哥）賞識，邀請演出《肥貓正傳》（1997年），再演智障人物。「去亞視拍咗套《肥貓正傳》，喺庇護工場做咗好多場戲。我同Kent太熟，亦師亦友，大家可以放開胸襟，攤開嚟交戲。」問到演戲同配音如何取捨？龍天生表示：「演戲方面，而家懷住期望心情去等監製電話，如果真係有機會再做幕前，會有信心，知道自己嘅演出爭啲乜嘢衰啲乜嘢……好多前輩會睇住我哋。」陳安瑩指兩者都很難放棄，並不認為自己是工作狂，日常生活仍有不少私人空間。

（↓點擊放大睇圖片↓）

陳安瑩多年來演「傻姑」最為人所熟悉，可是94年張智霖的版本《射鵰英雄傳》，她卻被安排演江南七怪之一的韓小瑩，傻姑則改由女藝人陳潔儀演出。她說：「對『傻姑』係有種感覺，演咗咁多次之後，到有一次唔係我做嘅時候，開頭會覺得好嘞唔使我再做，我睇人哋做成點先，嗰套我就做第二個角色、江南七怪其中之一，但係一播出街嗰時，我嗰刻就話『情願我自己做番』，若果而家你問我做會做，但當時嗰刻就唔想叫我再做。（原因？）可能好多觀眾有個既定模式，當你想再做啲新嘢放入個角色，你希望有咩畀到觀眾睇到？但觀眾對你已經入晒腦，如果我唔咁樣方式去做，觀眾或者會覺得我差咗啲。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】