【聲明】港生活網站並無進行電話推廣活動

柳應廷拍汽水廣告重拾夏天

發佈時間: 2022/05/12

人氣男團MIRROR成員柳應廷(Jer)最近獲邀拍攝雪碧汽水廣告。12子經常炎夏穿冬裝,「無夏天」形象深入民心,面對酷熱,Jer自有一番心得:「呢排氣溫持續高企,無論返工定出街玩,喺身體或心情燥熱嘅時候,即刻飲番啖凍冰冰嘅嘢飲就最perfect!」拍攝廣告當日,Jer在假冰粒鋪成的「冰池」擺甫士,為遷就鏡頭,他要施展「禮貌腳」擘腿拍攝,因而大汗淋漓,飲了大啖汽水降溫,更趁休息時間以拍攝用的冰粒玩層層疊,相當佻皮。

另外,Jer早前推出新歌《離別的規矩》,唱腔明顯不同,他解釋:「因為歌曲嘅內容,我想用比較人嘅語氣,好似細細聲喺你耳邊講嘢嘅方式唱出嚟,希望大家聽到後有共鳴或感觸…大家近年面對最多嘅情緒就係離別,好似親友移民外地。面對離別,我好想透過呢隻歌,成為一個救生出口,大家聽完可以舒服啲,有啲情感可以抒發。」

柳應廷拍汽水廣告重拾夏天

Jer以耳語方式唱新歌,甚有新鮮感。