柳應廷拍汽水廣告重拾夏天

人氣男團MIRROR成員柳應廷（Jer）最近獲邀拍攝雪碧汽水廣告。12子經常炎夏穿冬裝，「無夏天」形象深入民心，面對酷熱，Jer自有一番心得：「呢排氣溫持續高企，無論返工定出街玩，喺身體或心情燥熱嘅時候，即刻飲番啖凍冰冰嘅嘢飲就最perfect！」拍攝廣告當日，Jer在假冰粒鋪成的「冰池」擺甫士，為遷就鏡頭，他要施展「禮貌腳」擘腿拍攝，因而大汗淋漓，飲了大啖汽水降溫，更趁休息時間以拍攝用的冰粒玩層層疊，相當佻皮。

另外，Jer早前推出新歌《離別的規矩》，唱腔明顯不同，他解釋：「因為歌曲嘅內容，我想用比較人嘅語氣，好似細細聲喺你耳邊講嘢嘅方式唱出嚟，希望大家聽到後有共鳴或感觸…大家近年面對最多嘅情緒就係離別，好似親友移民外地。面對離別，我好想透過呢隻歌，成為一個救生出口，大家聽完可以舒服啲，有啲情感可以抒發。」