【聲明】港生活網站並無進行電話推廣活動

《雙生陌生人》收視僅13.5點 馬德鐘內地返港配合宣傳

發佈時間: 2022/05/12

馬德鐘、湯洛雯(靚湯)、賴慰玲及陳煒等昨日在電視城宣傳劇集《雙生陌生人》,提到劇集收視僅得13.5點,成績未如理想,男主角馬德鐘直言收視並非演員能夠控制,更自爆特意由內地回港宣傳,希望觀眾捧場。

《雙》劇首周收視只錄得13.5點,馬德鐘稱收視受多方面影響,並非演員可以控制,但希望觀眾會繼續支持,又預告之後的劇情具追看性。身旁的靚湯認同收視難以控制,口碑才是最重要。問他們會如何谷收視?靚湯說︰「我哋會積極宣傳,我都係一拍完外景就趕返嚟宣傳,感覺台前幕後都好齊心。」馬德鐘更表示︰「原本呢段時間我唔喺香港,但我都由內地返嚟宣傳。(幾時再到內地?)睇政策,但想完成所有宣傳先。係有啲工作損失,有啲又延期,自己盡量配合。」

至於剛度過35歲生日的靚湯,透露尚有數個生日飯局︰「不過我最近胃炎,所以其實我只係食粥,蛋糕都畀晒朋友食,但生日都開心嘅。」提到早前與好姊妹朱千雪及岑杏賢(Jennifer)等吃飯慶祝,問靚湯會否羨慕她們結婚及生B?她笑稱︰「邊個羨慕邊個都唔知!Jennifer會分享佢湊B好攰,但好戥佢開心。」

賴慰玲預告明年追「好」字

對於劇集收視低開,問同場的賴慰玲會否感到失望?她表示︰「最重要大家鍾意個喜劇效果,本身喺收視方面無壓力,一向都係平常心面對。」她透露在稍後劇情中,自己會穿上全身綠色如「任何人」的貼身衫,但這樣豈非身材玲瓏浮凸?她笑言不會評論。

另外,賴慰玲育有四歲半的囝囝,她明言有計劃追多個,至於是否想湊「好」字?她說︰「如果肯定係女就即刻生,不過再生仔都OK嘅,兩兄弟一齊成長都係好事…不過要拍埋手頭上嘅劇先,預計出年先可以實行造人大計。」

採訪︰Pauline

美術︰梁政敏

《雙生陌生人》收視僅13.5點 馬德鐘內地返港配合宣傳

賴慰玲指自己將以最密實的性感造型登場。

《雙生陌生人》收視僅13.5點 馬德鐘內地返港配合宣傳

靚湯大讚一班姊妹愈來愈青春。(IG圖片)

《雙生陌生人》收視僅13.5點 馬德鐘內地返港配合宣傳

賴慰玲有意為已四歲的囝囝添個伴。(資料圖片)